Шоира Мухсинова, Самарканд тумани
Жавоб: Агар фуқаролик ҳолати далолатномаларини ёзиш органи икки ва ундан ортиқ бир хил ёзувлар борлигини аниқласа, тиклаган ёзувлар ўша ёзув тузилган жойдаги фуқаролик ҳолати далолатномаларини ёзиш органида бекор килиниши мумкин. Агар топилган фуқаролик ҳолати далолатномалари ёзувларида фамилия, исм, ота исми, туғилган санаси, ота-она тўғрисидаги маълумотларда жиддий фарқ бўлса, тикланган фуқаролик ҳолати далолатномалари ёзувлари суднинг ҳал қилувчи қарори билан бекор қилинади.
ФҲДЁ органи томонидан икки ва ундан ортиқ, бир хил далолатнома ёзувлари борлиги аниқланган ҳолларда, тикланган далолатнома ёзувлари мазкур ёзувни қайд этган ФҲДЁ органи томонидан бекор қилиниши мумкин.
Топилган фуқаролик ҳолати далолатнома ёзувларида фамилия, исм, ота исми, туғилган сана, ота-она тўғрисидаги маълумотларда жиддий фарқ бўлса, тикланган далолатнома ёзувлари суднинг ҳал қилув қарори билан бекор қилинади.
ФҲДЁ органи суднинг ҳал қилув қарори асосида тикланган фуқаролик ҳолати далолатнома ёзувининг биринчи бетига устидан қия чизиқ, тортиб, далолатнома ёзувининг «белгилар устуни»да далолатнома ёзуви, далолатнома ёзувини бекор қилган суднинг номи ва қарорнинг санасини ёзиб қўяди ва аризачига маълумотнома беради.
ФҲДЁ органи бу тўғрисида юқори турувчи шаҳар, вилоят, Республика ФҲДЁ архивига ва дастлабки далолатнома ёзуви қайд этилган ФҲДЁ органига хабарномалар юборади. Собиқ Итгифоқ Республикаларидан келган ҳужжатлар асосида далолатнома ёзувларини бекор қилиш Қорақалпоғистон Республикаси Адлия вазирлиги, вилоятлар ва Тошкент шаҳар ҳокимликлари Адлия бошқармалари хулосаси бўйича тикланган далолатнома ёзуви ФҲДЁ органи томонидан амалга оширилади ва ёзувни бекор қилиш ҳақидаги ҳужжатлар шу ФҲДЁ органида сақланади.
Саволга Самарқанд тумани ФҲДЁ бўлими мудираси Ш.Саъдуллаева жавоб берди