Ўн олти ёшгача ташлаб кетилган ва уйда туғилган болаларнинг туғилганлигини қайд этиш учун қандай ҳужжатлар талаб қилинади?
<p align="right"><b>А.Тохиров, </b><b>Тайлоқ туман</b></p>
<p> </p>
<div style="text-align: justify;"><b>Жавоб:</b> Топиб олинган ташлаб кетилган боланинг туғилишини қайд этиш “Фуқаролик ҳолати далолатномаларини қайд этиш” Қоидаларининг 27-29 бандларида кўрсатилган тартибда амалга оширилади.</div>
<p></p>
<p style="text-align: justify;">Топиб олинган (ташлаб кетилган) боланинг туғилганлигини қайд этиш ички ишлар бўлими, васийлик ва ҳомийлик органлари, бола жойлашган муассаса маъмурияти ёки таббиёт муассасасининг аризасига биноан амалга оширилади. Болани топиб олган шахс бу ҳакда йигирма тўрт соат ичида ушбу тумандаги ички ишлар бўлимига ёки васийлик ва ҳомийлик органига хабар бериши керак. </p>
<p> </p>
<div style="text-align: justify;">Топиб олинган (ташлаб кетилган) боланинг туғилганлигини қайд этиш ҳақидаги аризага қуйидаги ҳужжатлар илова қилинади: а) ички ишлар бўлими ёки васийлик ва ҳомийлик органининг боланинг топиб олинган вақти, жойи ва топиб олинган пайтдаги ҳолати тўғрисидаги далолатномаси; б) тиббий муассасанинг топиб олинган ёки ташлаб кетилган боланинг ёшива жинсини тасдиқловчи маълумотномаси.</div>
<p></p>
<p><b> </b></p>
<p style="text-align: justify;"><b>Савол:</b> Топиб олинган ёки ташлаб кетилган болаларнинг туғилганлик ҳақидаги далолатнома ёзувларида ота-она ҳақидаги маълумотлар қандай киритилади?<b> </b></p>
<p align="right"><b>С.Азизкулова, </b><b>Самарқанд тумани</b></p>
<p style="text-align: justify;"><b>Жавоб.</b> “Фукаролик ҳолати далолатномаларини қайд этиш” Қоидаларининг 29 бандида: унинг ота-онасининг фамилияси, исми ва миллати тўғрисидаги маълумотлар боланинг туғилиши ҳақидаги далолатнома ёзувига мазкур Қоидаларининг 27 – бандида санаб ўтилган органларнинг кўрсатмалар асосида киритилади. Бундай ҳолда боланинг ва боланинг ота-онаси сифатида кўрсатилган шахсларнинг фамилияси бир хилда ёзилади. </p>
<p style="text-align: justify;">“Белгилар учун” устунига “Бола топилган” ёки “Ташлаб кетилган” деб ёзилади ва ота-онаси ҳақидаги маълумотлар кимнинг кўрсатмасига асосан ёзилганлиги кўрсатилади. </p>
<p><b> </b></p>
<p align="right"><b>Саволларга Самарқанд шаҳар 2-сон </b><b>ФҲДЁ бўлими мудираси Замира Ахмедова жавоб берди.</b></p>
<p align="right"><hr/></p>
<p style="text-align: justify;"><b>Савол: </b>Умрбод таъминлаш шарти билан уй-жой (квартира)ни бошқа шахсга бериш деганда нима тушунилади? </p>
<p align="right"><b>Э.Хайитов, </b><b>Самарқанд туман</b></p>
<p style="text-align: justify;"><b>Жавоб</b>: Ўзбекистон Республикаси Фуқаролик кодексига мувофиқ, умрбод таъминлаш шарти билан уй-жой (уйнинг бир қисми)ни, квартирани бошқа шахсга бериш деганда, бир тараф (олувчи) ёши ёки соғлиғи туфайли меҳнатга лаёқатсиз бўлган бошқа тараф (бошқа шахсга берувчи)ни натура ҳолида (уй-жой бериш, овқатлантириш, парваришлаш ва зарур ёрдам кўрсатиш тарзида) умрбод моддий таъминлаш мажбуриятини олиши, бошқа шахсга берувчи эса олувчига уй-жой (уйнинг бир қисми)ни, квартирани мулк қилиб бериши мажбурияти тушунилади. </p>
<p> </p>
<p style="text-align: justify;"><b>Савол: </b>Умрбод таъминлаш шарти билан уй-жой (квартира)ни бошқа шахсга бериш умрбод рентадан нима билан фарқ қилади? </p>
<p align="right"><b>И.Камолов, </b><b>Самарқанд шаҳар</b></p>
<p style="text-align: justify;"> <b>Жавоб: </b>Умрбод рентада бир тараф (рента олувчи) кўчмас ёки кўчар <span style="text-align: justify;">мол-мулкни бошқа тарафга (рента тўловчига) беради, рента тўловчи эса олинган мол-мулк ўрнига рента олувчига вақти-вақти билан белгиланган пул суммаси ёки уни таъминлаш учун бошқа шаклда маблағ бериш тарзида рента тўлаш мажбуриятини олади. Умрбод таъминлаш шарти билан уй-жой (уйнинг бир қисми)ни, квартирани бошқа шахсга беришда эса умрбод рентадагидан фарқли равишда фақатгина уй-жой (уйнинг бир қисми), квартира шартнома предмети бўлиши мумкин.</span></p>
<p> </p>
<p style="text-align: justify;"><b>Савол: </b>Умрбод таъминлаш шарти билан уй-жой (квартира)ни бошқа шахсга бериш шартномаси тарафларининг мажбуриятлари нималардан иборат? </p>
<p align="right"><b>Х.Дадабоев, </b><b>Нуробод туман</b></p>
<p style="text-align: justify;"><b>Жавоб:</b> Умрбод таъминлаш шарти билан уй-жой (уйнинг бир қисми), квартирани бошқа шахсга бериш шартномасига мувофиқ, олувчи шартнома амал қилиб турган даврда бу уйни (уйнинг бир қисмини), квартирани сотиш, ҳадя қилиш, гаровга қўйишга ва уй (уйнинг бир қисми), квартирага мулк ҳуқуқини оғирлаштирадиган бошқа ҳаракатларни амалга оширишга ҳақли эмас. Бу уй (уйнинг бир қисми), квартирага олувчининг қарзлари бўйича ундириш қаратилмайди. </p>
<p style="text-align: justify;">Умрбод таъминлаш шарти билан уй-жой (квартира)ни бошқа шахсга бериш шартномаси бўйича бошқа шахсга берувчидан олинган уй-жой (уйнинг бир қисми), квартиранинг тасодифан нобуд бўлиши олувчини шартнома бўйича ўз зиммасига олган мажбуриятлардан озод қилмайди. </p>
<p><b> </b></p>
<p align="right"> </p>
<p align="right"> <b>Саволларга Самарқанд шаҳар 1-сон ДНИ нотариуси Фурқат Нарзуллаев жавоб берди. </b></p>