А.Тоҳиров, Тайлоқ туман
Жавоб: Топиб олинган (ташлаб кетилган) боланинг туғилганлигини қайд этиш “Фуқаролик ҳолати далолатномаларини қайд этиш қоидалари”нинг 27-29 бандларида кўрсатилган тартибда амалга оширилади.
Топиб олинган (ташлаб кетилган) боланинг туғилганлигини қайд этиш ҳақидаги аризага ички ишлар бўлими ёки васийлик ва ҳомийлик органининг боланинг топиб олинган вақти, жойи ва топиб олинган пайтдаги ҳолати тўғрисидаги далолатномаси, тиббий муассасанинг топиб олинган (ташлаб кетилган) боланинг ёши ва жинсини тасдиқловчи маълумотномаси илова қилинади.
Шу билан бирга “Белгилар учун” устунига “Бола топилган” ёки “Ташлаб кетилган”, деб ёзилади ва ота-онаси ҳақидаги маълумотлар кимнинг кўрсатмасига асосан ёзилганлиги кўрсатилади.
Саволга Самарқанд шаҳар 2-сон ФҲДЁ бўлими мудираси
Замира Аҳмедова жавоб берди.