Савол: Ушбу масалада ФҲДЁ бўлимига бориб учрашган эдик, улар судга мурожаат қилишимиз кераклигини маслаҳат беришди. Шу тўғрими?
Р.Раҳимова, Нуробод тумани
Жавоб: 2013 йил қонунчилигимизга киритилган ўзгартиришларга асосан фарзандликка олиш фақат суд тартибида амалга оширилмоқда. Бунинг учун фарзандликка олиш тўғрисидаги ариза билан фарзандликка олинаётган боланинг яшаш жойидаги фуқаролик ишлари бўйича туманлараро, туман, шаҳар судига мурожаат қилинади. Фарзандликка олиш тўғрисидаги ишлар Фуқаролик процессуал кодексида назарда тутилган қоидалар бўйича алоҳида иш юритиш тартибида, фарзандликка олувчилар, васийлик ва ҳомийлик органлари вакили, шунингдек, прокурор иштирокида суд томонидан кўриб чиқилади.
Суднинг фарзандликка олиш тўғрисидаги ҳал қилув қарори қонуний кучга кирган кундан бошлаб ўн кун ичида ФҲДЁ органи фарзандликка олинган боланинг туғилиши қайд этилган далолатнома ёзувига зарур ўзгартиришлар киритиши лозим. Фарзандликка олишни расмийлаштириш учун ФҲДЁ органига суднинг ҳал қилув қароридан кўчирма, фарзандликка олувчининг туғилганлик ҳақидаги гувоҳномаси, шунингдек, фарзандликка олувчиларнинг шахсини тасдиқловчи ҳужжатлари тақдим этилади.
Саволга Нуробод туман ФҲДЁ бўлими инспектори Эсаной Эргашева жавоб берди.