Мустақил давлатимиз шу йиллар да­вомида кўп­гина кўрсаткичлар бўйича ривожланган давлатлар сафидан ўрин олди. Барқарор тинч­лик, осойиш­­­­талик бўйича улар­дан ол­дин­ги саф­ларда экан­лигимиз эса ҳар би­ри­мизга ул­кан ғурур ба­ғишлайди. Иқтисодиёт, бунёдкорлик борасидаги ри­вож­ланишлар барча ютуқларга замин бў­ла­ётгани барчага аён. Биргина Самарқанд 

ви­лоя­тида сўнгги беш йилда ишга туши­рил­ган объ­­ектлар, бинолар ва иншоотлар шаҳар ва ту­ман марказлари, қишлоқлар жамолини, аҳоли яшаш шароити ҳамда тушунча­ла­ри­ни туб­дан ўзгартираётганини кўриш мумкин.

Бундан ташқари, ёшлар масаласи давлат сиёсати даражасига кўтарилиб, уларни юксак маънавиятли, зукко, билимдон, юрт тақдирини ўз зиммасига олишга қодир авлод сифатида вояга етказиш учун зарур шарт-шароитлар муҳайё қилинди. Бундан оқилона фойдаланаётган эртамиз эгалари ўз истеъдод ва салоҳиятини тўла намоён этиб, ҳамма соҳада юксак натижаларни қўлга киритишмоқда. Бинобарин, мустақилликка эришиш остонасида Юртбошимиз янги давлат ва жамиятни барпо этиш билан боғлиқ кун тартибидаги энг муҳим масалалардан бири сифатида ёшларга оид сиёсат ҳамда уни амалга ошириш механизмини ишлаб чиқиш вазифасини қўйгани бежиз эмас. Ўша пайтда бунга объектив эҳтиёж ва зарурат бор эди. Ўтган асрнинг — 90-йилларида 20 миллиондан ортиқ Ўзбекистон халқининг қарийб 43 фоизини болалар ташкил қилган. Бугунги кунда эса мамлакатимиз аҳолисининг 60 фоиздан зиёди ёшлардан иборат.

Ёшлар бунёдкорлик салоҳиятига эга бебаҳо ресурсдир. Аммо мазкур салмоқли қатлам юрт тақдири ва келажагини ҳал қилувчи катта кучга айланиши учун давлат, даставвал, уларни ижтимоий, маънавий ва моддий жиҳатдан қўллаб-қувватлаши, ўз ҳуқуқ ҳамда мажбуриятларини эркин рўёбга чиқариши, жамиятда муносиб ўрнини топиши учун қулай шароит яратиш керак. 1991 йилнинг бошларидаёқ Президентимизнинг бевосита ташаббуси билан “Ўзбекистон Республикасида ёшларга оид давлат сиёсатининг асослари тўғрисида”ги қонун лойиҳаси ишлаб чиқила бошланди ва 1991 йил 20 ноябрда қабул қилинди. Мазкур Қонунни Ўзбекистон Республикасида ёшларга оид давлат сиёсатининг миллий концепцияси ҳамда айнан эртамиз эгалари манфаатларини ишончли ҳимоя қилишга қаратилган дастлабки ҳуқуқий ҳужжат, дейиш мумкин. Унда ёшлар бўйича давлат сиёсатининг мақсад ва тамойилларигина эмас, балки бугунги кун нуқтаи назаридан улар билан боғлиқ ўта принципиал масалалар ўз аксини топган. Иқтидорли ўғил-қизларни рағбатлантириш, ёшлар тадбиркорлигини қўллаб-қувватлаш, улар учун зарур ижтимоий хизматлар тизимини яратиш, ёш оилаларга ижтимоий ёрдам кўрсатиш, вояга етмаганлар, шунингдек, ёшлар қатламининг айрим тоифаларини ижтимоий муҳофаза қилиш ана шулар жумласидандир. Алоҳида таъкидлаш керакки, мазкур Қонунда илк бор ёшлар ҳаётига оид сиёсат ва дастурларни ишлаб чиқиш ҳамда амалга оширишда келажагимиз ворисларининг бевосита иштирок этиши асосий вазифалардан бири сифатида қайд этилди. Энг муҳим жиҳати, юртимизда ёшларга оид давлат сиёсатининг субъектлари сифатида нафақат давлат ҳокимияти ва бошқаруви органлари, балки нодавлат тузилмалари биргаликда фаолият олиб бориши белгилаб қўйилди. Ёшларнинг ижтимоий ҳамда маънавий камол топиши учун шарт-шароит яратиб беришга қаратилган сиёсатнинг асосий моҳияти, шубҳасиз, Ўзбекистон Республикаси Конституциясида ўз ифодасини топган. Асосий Қонунимиз қабул қилинган куннинг эртасига — 1992 йил 9 декабрда Ўзбекистон Бола ҳуқуқлари тўғрисидаги халқаро конвенцияни ратификация қилди. Истиқлол йилларида ёшларнинг ҳар томонлама етук, баркамол вояга етиши учун мустаҳкам қонунчилик базаси яратилди. Хусусан, 22 та қонун, Президентимизнинг 26 та Фармон ва қарори, Вазирлар Маҳкамасининг 41 қарори, 30 дан ортиқ меъёрий-ҳуқуқий ҳужжатлар қабул қилиниб, ҳаётга изчил татбиқ этилмоқда. Бундан ташқари, йилларга ном беришда ҳам ёшларнинг манфаатлари алоҳида эътиборга олинаётир. Хусусан, 2000 йил “Соғлом авлод йили”, 2001 йил “Оналар ва болалар йили”, 2008 йил “Ёшлар йили”, 2010 йил “Баркамол авлод йили”, 2014 йил “Соғлом бола йили”, 2016 йил “Соғлом она ва бола йили”, деб эълон қилиниб, яхлит чора-тадбирлар дастурлари амалга оширилаётгани фикримиз тасдиғидир.