Коррупция муаммоси сўнги йилларда халқаро миқёсда трансмиллий жиноят сифатида халқаро ташкилотлар томонидан кенг муҳокама қилинаётган мавзу ҳисобланади.
Инсон, жамият ва давлат учун катта хавфга эга бўлган ва бир вақтнинг ўзида жамият ҳаётининг барча соҳаларига салбий таъсир ўтказадиган коррупция омиллари бугунги кунда нафақат мамлакатнинг ижтимоий-иқтисодий ривожланиши ва хавфсизлиги учун таъсир ўтказади, балки фуқароларнинг конституцион ҳуқуқлари ва эркинликларини бузади ва тадбиркорликнинг ривожланиши учун тўсқинлик қилади.
Коррупцияга қарши кураш соҳасида қилмиш учун жиноий жавобгарлик белгилаш каби жиноий-ҳуқуқий; БМТ Бош Ассамблеяси томонидан 1990 йилда қабул қилинган “Ривожланиш учун жиноятчиликни олдини олиш ва одил жиноий судлов соҳасида ҳамкорлик борасидаги тавсиялар” сингари ҳалқаро ҳамкорликни йўлга қўйиш каби воситалардан ташқари, жиноий процессуал воситаларни қўллаш ҳам самарали ҳисобланади.
Демократик қадриятлар қарор топиб бораётган бир вақтда давлат хизматчилари томонидан порахўрлик, мансаб мавқеини суиистеъмол қилиш билан боғлиқ жиноятларни содир этилиши ҳокимиятнинг обрўсизланишига, давлатнинг сиёсий, иқтисодий, ҳуқуқий тизимига путур етишига, натижада амалдаги ҳокимиятга нисбатан норозиликка сабаб бўлади. Коррупциянинг маълум бир мамлакатда ривожланиши эса ўша давлатнинг таназзулига олиб келади.
ИНСОНИЯТ тарихи ҳақида гап кетганда унга зарҳал ҳарфлар билан ёзиладиган воқеа-ҳодисалар ҳақида ҳам, киши кўнглини хуфтон қиладиган ҳолатлар ҳақида ҳам гапиришга тўғри келади. Одамлар ўртасидаги муомала-муносабатларда учрайдиган ана шундай иллатлардан бири коррупциядир. Ер юзида давлатлар пайдо бўлганидан кейин коррупция, унинг энг кенг тарқалган тури бўлмиш порахўрлик давлатларни ичдан емирадиган ижтимоий иллат сифатида юзага келди.
Коррупция ва қонунчилик
1 - 8 из 8
Начало | Пред. |
1
|
След. | Конец
| Все