Yangiliklar

2025 йил 15 январь куни соат 00:00 дан Ўзбекистон Республикасида аҳоли ва қишлоқ хўжалигини рўйхатга олиш тадбирининг биринчи босқичи расман бошланди.

Мазкур босқич доирасида 17 кун давомида фуқаролар census.stat.uz расмий веб-сайти орқали OneID тизими ёрдамида онлайн рўйхатдан ўтишлари мумкин.

14-yanvar - O‘zbekiston Qurolli Kuchlari tashkil etilganining 34 yilligi va Vatan himoyachilari kuni munosabati bilan Samarqand viloyat adliya boshqarmasida bayram tadbiri o'tkazildi. 

Boshqarma xotin-qizlar jamoasi harbiy marsh va jo'shqin musiqa sadolari ostida hamkasb yigitlarni qarshi olib, samimiy dil izhorlarini bildirishdi, bayram tabrigi va ezgu tilaklar yo'llashdi. 

Yangi ish kuni buhun adliyada ana shunday bayramona kayfiyatda boshlandi.

Yurtimizning barcha mard va jasur o'g'lonlarini O‘zbekiston Qurolli Kuchlari tashkil etilganining shonli 34 yilligi va Vatan himoyachilari kuni bilan samimiy tabriklab, mustahkam sog‘lik, oilaviy baxt-saodat, tinchlik va farovonlik tilaymiz. Kuch-g‘ayratingiz, sha’nu sharafingiz yanada ziyoda bo‘lsin!

Tadbir “O‘zkomnazorat” Inspeksiyasi Samarqand viloyat hududiy shu’basi hamda huquqni muhofaza qiluvchi organlar bilan hamkorlikda o‘tkazildi.
Seminarda ishtirokchilarga “Kiberxavfsizlik to‘g‘risida”gi qonun, Prezident farmon va qarorlari, Vazirlar Mahkamasi hujjatlari hamda axborot tizimlari va kompyuter qurilmalaridan xavfsiz foydalanish bo‘yicha amaldagi normativ-huquqiy hujjatlar mazmuni tushuntirildi.
Shuningdek, “O‘zkomnazorat” Inspeksiyasi viloyat hududiy shu’basi bosh mutaxassisi Xisrav Kamarov tomonidan axborot xavfsizligini ta’minlash, kiberhujumlarning oldini olish, mavjud tahdid va zaifliklarni kamaytirish bo‘yicha muhim ma’lumotlar taqdim etildi. Tadbir davomida axborot xavfsizligi va kiberxavfsizlikka oid asosiy tushunchalar, dolzarb muammolar va ularning yechimlari muhokama qilindi.

Navkat mahallasida faoliyat yuritayotgan “Farovonlik” markazida xorijiy tillarni o‘rganayotgan yoshlar uchun samarali va innovatsion loyiha amalga oshirilmoqda. Samarqandning boy madaniy merosi bilan tanishish orqali amaliy tarjimonlik ko‘nikmalari bilan mustahkamlanmoqda.

Amaliy mashg‘ulotlar Samarqand shahridagi tarixiy obidalarda tashkil etilib, o‘quvchilar real ekskursiya jarayonida o‘z bilimlarini sinovdan o‘tkazmoqda.

Loyihaning asosiy vazifalari:
-Tarixiy obidalarning kelib chiqishi, madaniy va tarixiy ahamiyati haqida chuqur bilim berish
-Tarjimonlik faoliyati uchun zarur bo‘lgan maxsus lug‘at va terminlarni o‘rgatish
-Yoshlarni tajribali gid-tarjimonlar bilan amaliy mashg‘ulotlarga jalb etish

Ushbu loyiha yoshlarning xorijiy tillarni chuqur o‘zlashtirishiga, turizm va tarjimonlik sohasiga bo‘lgan qiziqishini oshirishga hamda kelajakda malakali mutaxassis bo‘lib yetishishiga xizmat qilmoqda.

Navkat mahallasida tashkil etilgan “Farovonlik markazi” tikuvchilik bo‘limi xodimalari Samarqand shahrida joylashgan “AFROSIYOB JEANS TEKSTIL” MCHJ faoliyati bilan yaqindan tanishish hamda tajriba almashish maqsadida tashrif buyurishdi.

Tashrif davomida korxonadagi zamonaviy ishlab chiqarish jarayonlari, tikuvchilikda qo‘llanilayotgan yangi texnologiyalar hamda ishni samarali tashkil etish bo‘yicha amaliy tajribalar o‘rganildi. Uchrashuv o‘zaro fikr almashish, kasbiy bilim va ko‘nikmalarni oshirish uchun muhim ahamiyat kasb etdi.

Bunday hamkorlik tashabbuslari kelgusida ayollar bandligini ta’minlash va mahallalarda kichik ishlab chiqarishni rivojlantirishga xizmat qiladi.

IT sohasiga bo‘lgan e’tibor tobora ortib borar ekan, yoshlar uchun keng imkoniyatlar yaratilmoqda.
Jumladan, Qo‘shrabot tumani “Navkat” MFYdagi “Farovonlik” markazida IT yo‘nalishida tahsil olayotgan yoshlar ishtirokida Samarqand shahridagi “School 21” IT maktabiga o‘quv-tanishuv ekskursiyasi tashkil etildi.
Ekskursiya davomida yoshlar maktabdagi o‘quv jarayoni, ta’lim tizimi hamda yaratilgan zamonaviy shart-sharoitlar bilan yaqindan tanishdilar.
Shuningdek, maktab mas’ullari tomonidan IT sohasida noldan boshlab beriladigan bilim va ko‘nikmalar, ta’lim tartibi, shakli va o‘qitish jarayoni haqida batafsil ma’lumot berildi.
Bunday tashabbuslar yoshlarning bilim va salohiyatini oshirish, ularni zamonaviy kasblarga yo‘naltirishda muhim ahamiyat kasb etadi.

Adliya vazirligining bevosita ko‘magida bunyod etilgan Qo‘shrabot tumani “Navqat” MFYdagi “Farovonlik” markazida IT yo‘nalishida tahsil olayotgan yoshlar tuman adliya bo'limi bilan hamkorlikda Samarkand KOICA Vocational Training Centerga o‘quv-tanishuv ekskursiyasida ishtirok etdilar.

Ekskursiya davomida o‘quvchilar:
-zamonaviy robototexnika laboratoriyalari bilan tanishdilar
-IT bilimlarining amaliyotda qo‘llanilishini ko‘rdilar
-soha mutaxassislari bilan uchrashib, foydali tajriba orttirdilar

Bu tashrif yoshларда innovatsiya, muhandislik va texnologiyalarga bo‘lgan qiziqishni oshirishga xizmat qildi hamda kelajak kasb tanlovi uchun mustahkam asos yaratdi.
-Shuningdek, “Farovonlik” markazi va Samarkand KOICA Vocational Training Center o‘rtasida kelgusida hamkorlikni yo‘lga qo‘yish bo‘yicha kelishuvlarga erishildi.

"Kelajak uchun" istiqbolli tashabbuslar forumi

Forumning maqsadi – soha va hududlarni rivojlantirishga aholini jalb etish, tashabbuslarini yuzaga chiqarish, islohotlarning xalqchilligini taʼminlash

Yo‘nalishingizni belgilab, kuchli g‘oyalaringizni taqdim eting — jamiyat taraqqiyotiga munosib hissa qo‘shing.

https://kelajakuchun.gov.uz/

https://youtu.be/XUuOxayDdIg

Samarqand viloyat adliya boshqarmasi

Viloyat adliya boshqarmasida “O‘zbekiston – 2030” strategiyasini takomillashtirishning mazmun-mohiyati va uning amaliy ahamiyati yuzasidan fuqarolik jamiyati institutlarini jalb qilgan holda muhokama tadbiri boʻlib oʻtdi

Bugun viloyat adliya boshqarmasida “Oʻzbekiston – 2030” strategiyasini amalga oshirishni yangi bosqichga olib chiqishga qaratilgan Prezident farmoni loyihasi muhokamasiga bagʻishlangan tadbir oʻtkazildi.
Tadbirda 2026–2030-yillarga moʻljallangan yangilangan strategiya, samaradorlik koʻrsatkichlarini takomillashtirish, raqamli monitoringni joriy etish hamda sohaviy va hududiy dasturlarni uygʻunlashtirish masalalari yuzasidan fikrlar bildirildi.
Shuningdek, tadbir davomida nodavlat notijorat tashkilotlari (shu jumladan diniy tashkilotlar) tomonidan 1-fevralga qadar yillik hisobotlarni adliya organlariga taqdim etish tartibi haqida ham gapirib oʻtildi.
Hisobotlarni www.e-ngo.uz portali orqali elektron shaklda, oʻz vaqtida va toʻliq topshirish zarurligi taʼkidlandi.

Samarqand tuman davlat xizmatlari markazida "prava" vaqtincha berilmaydi

Samarqand viloyat adliya boshqarmasi shuni ma'lum qiladiki, haydovchilik guvohnomasini chop etish uskunasida aniqlangan nosozlik sababli, Samarqand tuman  davlat xizmatlari markazida eski namunadagi milliy haydovchilik guvohnomasini yangisiga  almashtirish xizmati  vaqtincha ko‘rsatilmaydi. 
Ushbu xizmatdan foydalanmoqchi bo‘lgan fuqarolar o'zlariga yaqin bo'lgan boshqa tuman (shahar)lardagi Davlat xizmatlari markazlariga murojaat qilishlari mumkin. 

 Nosozlik bartaraf etilganligi haqida qo‘shimcha axborot beriladi.