Yangiliklar

Samarqandda besh yil davomida hal bo‘lmay kelgan muammo adliya xodimlari ko‘magida o‘z yechimini topdi.

Samarqand shahar “Siyobcha” MFY Yalangtush ko‘chasida yashovchi Shakirova Zeynep 2020-yil 14-fevral kuni tug‘ilgan farzandi — Shakirov Sultanga tug‘ilganlik guvohnomasini olish jarayonida bir necha yil davomida qiyinchiliklarga duch kelgan. 

Hujjatning mavjud emasligi esa bolani bog‘chaga joylashtirish hamda boshqa ijtimoiy xizmatlardan foydalanishda sezilarli to‘siqlarni keltirib chiqargan.

Adliya xodimlarining mahallalarda aholining huquqiy masalalarini o‘rganish jarayonida mazkur holat aniqlanib, Z. Shakirovaga amaliy yordam ko‘rsatish bo‘yicha zarur choralar belgilandi.

Murojaat  Samarqand shahar adliya bo‘limi  tomonidan ish yurituviga olinib, barcha hujjatlar qonuniy tartibda ko‘rib chiqildi.

Natijada, Shakirov Sultan Yevgenevichning tug‘ilganlik dalolatnomasi rasmiy qayd etilib, guvohnoma tayyorlandi va oilaga tantanali ravishda topshirildi.

Bu esa ona va farzandga barcha zarur ijtimoiy xizmatlardan to‘liq foydalanish, ijtimoiy muhofaza tizimiga erkin kirish imkoniyatini yaratdi.

O‘zbekiston Respublikasi Prezidentining 2021-yil 28-yanvardagi PQ-4965-son qarori 4.4-bandiga muvofiq, Samarqand viloyat Adliya boshqarmasi vakili X.Uzoqov va viloyat Savdo-sanoat palatasi boshqarmasi boshlig‘i D.Musinov hamkorligida, milliy brend egalari ishtirokida tadbirkorlik faoliyatini yo‘lga qo‘yayotgan shaxslar uchun o‘z brendiga ega bo‘lishning afzalliklariga bag‘ishlangan master-klass tashkil etildi.

Tadbir davomida ishtirokchilarga quyidagilar bo‘yicha muhim tushunchalar berildi:

intellektual mulkning biznesdagi o‘rni va ahamiyati;
intellektual mulk aktivlarini himoya qilish va samarali boshqarish jarayonlari;
brendni yaratish va ro‘yxatdan o‘tkazish tartibi;
milliy va xalqaro brendlar egalari tajribalari bo‘yicha amaliy tushunchalar hamda malakali mutaxassislar tavsiyalar.

Joriy yil 2-dekabr kuni Xalq deputatlari Samarqand viloyati Kengashining yigirmanchi ikkinchi sessiyasida qabul qilingan qarorga ko‘ra, viloyatning bir qator tuman va shaharlarida istiqomat qiluvchi  jami 871 nafar fuqarolarning mulk huquqlari qonuniy tartibda e’tirof etildi.

 Jumladan:
Bulung'ur tumanida 73 nafar; 
Ishtixon tumanida 1 nafar;
Jomboy tumanida 79  nafar; 
Kattaqo'rg'on shaharda 4 nafar; 
Kattaqo'rg'on tumanida 53 nafar; 
Narpay tumanida 46 nafar;
Nurobod tumanida 53 nafar; 
Oqdaryo tumani 50 nafar; 
Pastdarg'om tumanida 343 nafar; 
Paxtachi tumanida 86 nafar;
Payariq tumanida 25 nafar;
Qo'shrabot tumanida 14 nafar;
Samarqand shahrida 6 nafar;
Samarqand tumanida 11 nafar; 
Toyloq tumanida 22 nafar;
Urgut tumanida 5 nafar fuqarolar o‘zboshimchalik bilan egallab olingan yer uchastkalari va ularda qurilgan uy-joylariga nisbatan mulk huquqiga ega bo'ldi.
     Samarqand viloyatida "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi qonun ijrosi bo‘yicha shu kunga qadar jami 4003 nafar fuqaroning yer va mulkka bo‘lgan huquqlari e’tirof etildi.

Samarqand viloyat adliya boshqarmasining  Prezident hujjatlari ijrosini nazorat qilish sho‘basi boshlig'i  Primov Alisher Akmalovich  Adliya vazirligiga  ishga qabul qilindi. Shu munosabat bilan boshqarmada kuzatuv tadbiri bo‘lib o‘tdi.

Tadbirda boshqarma boshlig‘i S.Sattarov  va boshqalar so‘zga chiqib,  A. Primovning  mehnat faoliyati, qisqa fursatda erishgan yutuqlari, fidoyiligini e’tirof etishdi. Yangi lavozim bilan qutlab, kelgusi ish faoliyatida omad va zafarlar tilashdi.

Samarqand viloyat adliya boshqarmasi jamoasi  A.Primovning  kelgusi ishlarida omad va zafarlar tilab qoladi.

Viloyat adliya boshqarmasi, viloyat oila va xotin-qizlar boshqarmasi, Ichki ishlar boshqarmasi hamda viloyat jinoiy sudi hamkorligida SamDVMCHBUda “Xotin-qizlarga nisbatan raqamli zo‘ravonlikka barham berish uchun birlashaylik” mavzusida huquqiy targ‘ibot tadbiri o‘tkazildi.

Tadbir davomida аdliya boshqarmasi mas’ul xodimi N. Fayziyeva tomonidan raqamli makonda uchrayotgan zo‘ravonlik turlari — shaxsiy ma’lumotlarni ruxsatsiz tarqatish, xabarlar orqali tahdid qilish, yolg‘on ma’lumotlar tarqatish kabi holatlarning oqibatlari haqida batafsil ma’lumot berildi.

Shuningdek, oilaviy zo‘ravonlikning oldini olish, ayollar va bolalar huquqlarini himoya qilishga doir amaldagi qonunchilik talablari, zo‘ravonlikka qarshi kurashishda davlat organlarining vazifalari hamda fuqarolarning murojaat qilish tartibi bo‘yicha tushuntirishlar berildi.

Toshkent davlat yuridik universiteti o‘qituvchilari va talabalaridan iborat targ‘ibot guruhi  shuningdek, Samarqand viloyat Adliya boshqarmasida bo‘lishdi.

Tashrif davomida:
 Adliya organlari faoliyati, ularning jamiyatdagi o‘rni va dolzarb vazifalari yuzasidan nazariy hamda amaliy ma’lumotlar berildi.

Bunday uchrashuvlar yoshlarimizda huquqiy madaniyatni yanada yuksaltiradi, ularni kelajakda malakali yuridik kadrlar bo‘lib shakllanishi uchun muhim zamin yaratadi.

Konstitutsiya — har birimizning huquq va erkinliklarimiz kafolati!

O‘zbekiston Respublikasi Konstitutsiyasi qabul qilingan kun munosabati bilan adliya boshqarmasi tomonidan "O‘zbek geologiya qidiruv" aksiyadorlik jamiyatining Samarqand markaziy geologiya qidiruv ekspeditsiyasida
“Inson qadri, erkinlik, tenglik va adolat garovi” mavzusida targ‘ibot tadbiri tashkil etildi.

Tadbirda Konstitutsiyaning xalqimiz hayotidagi o‘rni, undagi yangilangan normalarning mazmun-mohiyati haqida ma’ruza qilindi. Ayniqsa, inson qadri ustuvorligi, fuqarolarning huquq va erkinliklarini kafolatlash, ijtimoiy adolat tamoyillarining hayotga tatbiq etilayotgani borasida fikr-mulohazlar bildirildi.

Oqdaryo  tuman FHDY bo‘limi tomonidan yana bir oila qurayotgan juftlikning nikohi belgilangan tartibda qayd etildi.

Tadbir davomida yosh oilaga "Nikoh shartnomasi"ning ahamiyati va oila mustahkamligidagi o‘rni haqida batafsil tushuntirishlar berildi. 

Yoshlar  o‘zaro hurmat, ishonch va mas’uliyat asosida "Nikoh shartnomasi"ni tuzishga qaror qildilar.

Nikoh shartnomasi -oila munosabatlarini tartibga solishda va huquqiy bilimlarni oshirishda muhim rol o‘ynaydi. Bu, oila ichidagi muvozanatni saqlash, jamiyatda huquqiy madaniyatni yuksaltirish va ijtimoiy barqarorlikni ta’minlashga xizmat qiladi.

Yangilangan Asosiy Qonunda inson huquq va erkinliklari davlat faoliyatining bosh mezoni sifatida belgilab qo‘yildi. Fuqarolarning sha’ni, qadr-qimmati, shaxsiy hayoti va mulkiy huquqlari konstitutsiyaviy darajada kafolatlandi. Davlat organlari har bir fuqaroga nisbatan odil, ochiq va xolis yondashishi shartligi aniq ko‘rsatib o‘tildi.
Konstitutsiyada O‘zbekiston “ijtimoiy davlat” sifatida e’tirof etilgani aholining kam ta’minlangan qatlamlarini himoya qilish, ta’lim, tibbiy xizmat va ijtimoiy qo‘llab-quvvatlash sifatini oshirishga qaratilgan yangi kafolatlarni amalga joriy etdi. Maktabgacha ta’limdan to oliy ta’limgacha bo‘lgan bosqichlarda sifatli ta’lim olish huquqi kuchaytirildi, tibbiy xizmatdan foydalanish imkoniyatlari kengaytirildi.
Oila, bolalar, ayollar va keksalarni himoya qilishga oid normalar yanada mustahkamlandi. Bolalarning har tomonlama rivojlanishi va ularning huquqlarini ta’minlash davlat mas’uliyati sifatida belgilab qo‘yildi. Nogironligi bo‘lgan shaxslarni qo‘llab-quvvatlash va ular uchun barcha sohalarda teng imkoniyatlar yaratish kabi qoidalar ham kuchaytirildi.
Iqtisodiy sohada esa xususiy mulk daxlsizligi, tadbirkorlik erkinligi va investitsiyalarning qonuniy himoyasi konstitutsiyaviy kafolatga ega bo‘ldi. Bu esa tadbirkorlik muhitini yaxshilash, yangi ish o‘rinlari yaratish va iqtisodiy o‘sishga zamin yaratadi.
Davlat boshqaruvi tizimida ochiqlik, hisobdorlik, parlament nazorati va jamoatchilik ishtirokini kuchaytirishga qaratilgan normalar demokratik islohotlarning yangi bosqichini belgilab berdi. Har bir davlat organi o‘z qarorlari uchun javobgar ekani yanada aniq va ochiq shaklda qayd etildi.
Ekologiya va tabiat muhofazasiga oid qoidalarning kengayishi esa barqaror rivojlanish siyosatining muhim qismi sifatida namoyon bo‘ldi. Tabiiy resurslardan oqilona foydalanish va atrof-muhitni muhofaza qilish davlatning ustuvor vazifasi sifatida belgilandi.
Xulosa qilib aytganda, yangilangan Konstitutsiya – inson qadri, adolat, qonuniylik va barqaror rivojlanishga xizmat qiladigan yangi huquqiy poydevor bo‘lib, Yangi O‘zbekiston taraqqiyoti uchun mustahkam yo‘l xaritasini belgilab berdi.

Samarqand viloyat adliya boshqarmasi
boshlig‘i S.Sattarov

Adliya vazirligi tashabbusi bilan, aholining — ayniqsa yoshlarning — konstitutsiyaga oid bilimlarini rivojlantirish, huquqiy ong va madaniyatini oshirish hamda mamlakatimizda olib borilayotgan keng ko‘lamli demokratik, ijtimoiy va siyosiy islohotlardan xabardor qilish maqsadida tashkil etilgan Targ'ibot poyezdi Samarqandga yetib keldi.