Yangiliklar

 Oqdaryo tuman adliya bo‘limi FHDY bo‘limi tomonidan hamkor tashkilotlar, xotin-qizlar faollari, tibbiyot muassasasi, xalq ta'limi va profilaktika inspektorlari ishtirokida tumandagi nizoli oilalardagi ajrimlarni oldini olish, erta tug‘ruq va yaqin qarindoshlar o‘rtasidagi nikohlarning salbiy tibbiy hamda huquqiy oqibatlari haqida tuman hokimligida yig‘ilish o‘tkazildi.

Tadbirda oilaviy nizolarni hal qilish va nikohlar bilan bog‘liq salbiy oqibatlarning oldini olish bo‘yicha turli masalalar muhokama qilindi. 

Tadbir  Oqdaryo FHDY mudirasi tomonidan  oilalardagi muammolarni hal qilishda ijtimoiy, tibbiy va huquqiy yordam ko‘rsatish, shuningdek, oilaviy munosabatlarda huquqiy savodxonlikni oshirish zarurligini ta’kidladi.

"Oilaviy tinchlikni ta'minlash va salbiy oqibatlarning oldini olish" mavzusida o‘tkazilgan yig‘ilish jamiyatdagi sog‘lom oilaviy munosabatlarni rivojlantirishga katta hissa qo‘shadi. 

Samarqand viloyat adliya boshqarmasida navbatdagi “Ma’naviy-ma’rifiy soat”da davlatimizning ichki va tashqi siyosatidagi so‘nggi yangiliklar, shuningdek, qabul qilingan yangi qonun va qarorlar mazmun-mohiyati xodimlarga yetkazildi.

Xususan, Prezidentimizning yoshlar bilan bo‘lgan uchrashuvida ilgari surilgan muhim tashabbuslar hamda mediatsiya qonunchiligi xususida, mediatsiya instituti takomillashtirilganligi haqida (O‘RQ–1089-son, 17.10.2025 y.)gi Qonun bilan ayrim qonun hujjatlariga qo‘shimcha va o‘zgartirishlar kiritilganligi atroflicha tushuntirildi.

Tadbirda boshqarma tarkibiy bo‘linmalari bilan birga, “Zoom” orqali tuman (shahar) adliya bo‘limlari, FHDY, davlat xizmatlari hamda yuridik xizmat ko‘rsatish markazlari xodimlari ishtirok etdilar.

Boshqarma boshlig‘i S.Sattarov “Yoshlar kuni” munosabati bilan Toshkent davlat yuridik universiteti huzuridagi Samarqand viloyat akademik litseyi o‘quvchi yoshlari  bilan uchrashdi.

Uchrashuv davomida yoshlarga adliya organlari faoliyati, huquqiy sohada amalga oshirilayotgan islohotlar hamda yurtimizda yoshlarga yaratilayotgan imkoniyatlar haqida batafsil ma’lumotlar berildi. Shuningdek, o‘quvchilar bilan ochiq muloqot tashkil etilib, ularni qiziqtirgan savollarga atroflicha javob qaytarildi.

Tadbirda yoshlarning huquqiy bilimini oshirish, ularni qonunga hurmat ruhida tarbiyalash hamda kelajakda yetuk va malakali mutaxassis bo‘lib yetishishlari uchun zarur tavsiyalar berildi.

Mazkur uchrashuv yoshlarning kasbiy yo‘nalishini aniqlash, huquq sohasiga bo‘lgan qiziqishini yanada kuchaytirish hamda ularni Vatanga sadoqat ruhida tarbiyalashga xizmat qildi.

Oqdaryo tuman adliya bo‘limi boshlig‘i T. Abdurashidov hamda bo‘lim xodimlari boshchiligida haftaning payshanba kuni “Yoshlar kuni” munosabati bilan tumandagi 47-umumiy o‘rta ta’lim maktabi o‘quvchilari bilan uchrashuv o‘tkazildi.

Uchrashuv davomida o‘quvchilarga adliya organlari faoliyati, yoshlarning huquq va majburiyatlari, kasb tanlashda to‘g‘ri yo‘l tutish hamda huquqiy bilimlarning hayotdagi ahamiyati haqida batafsil ma’lumotlar berildi. Shuningdek, yoshlarni qiynayotgan savollar tinglanib, ularga atroflicha javoblar qaytarildi.

Tadbirning asosiy maqsadi — yoshlar o‘rtasida huquqiy ong va huquqiy madaniyatni yuksaltirish, ularni qonunlarga hurmat ruhida tarbiyalash hamda kelajakda yetuk va mas’uliyatli shaxs bo‘lib voyaga yetishlariga ko‘maklashishdan iboratdir.

Samarqand viloyat adliya boshqarmasi boshlig‘i o'rinbosari Sh.Abduxalimov hamda X.Sulaymonova nomidagi Respublika sud ekspertiza markazining Samarqand viloyati bo‘limi mudiri G'.Abdujalilov tomonidan  Payariq tumani "Tomoyrot" mahallasida huquqiy oylik doirasida sayyor qabul o'tkazildi. 

Dastlab 2026-yil 5-yanvardagi PQ-1-son qaror ijrosi doirasida adliya boshqarmasi boshlig‘iga biriktirilgan nizoli oilalarning huquqiy muammolari bo'yicha adliya bo'limi mas'ullariga ko'rsatmalar berildi. 

Sayyor qabul davomida 25 nafarga yaqin fuqarolar ishtirok etdi. Shundan 18  nafar fuqarolarning turli masaladagi murojaatlari bo‘yicha huquqiy tushuntirishlar berildi hamda 2 ta muammo joyida hal etildi. 10 ga yaqin murojaat qo‘shimcha o‘rganish uchun ish yurituviga olindi.

Viloyat adliya boshqarmasi boshlig‘i S.Sattarov O'zbekiston Respublikasi Prezidentining PQ-1-sonli qarori ijrosi yuzasidan Nurobod tumanida bo'ldi.

Dastlab:
▪️PQ–1-sonli qaror bilan ishlash jarayonida e’tibor qaratilishi lozim bo‘lgan muhim jihatlarga e'tibor qaratildi;
▪️Tuman adliya bo'limida bo'lib, bo'lim faoliyati bilan tanishdi;
▪️Yuridik xizmat ko‘rsatish markazi xodimlarining ish faoliyati o'rganilib, muammo va takliflari eshitildi;
▪️Davlat xizmatlari markazi hamda FXDY faoliyati tahlil qilindi.
▪️Davlat xizmatlarini ko'rsatishda fuqarolarga qulayliklar yaratilishi lozimligi to'g'risida ko'rsatmalar berildi.

SamDVMCHBUda  talaba-qizlarni tazyiq va zo‘ravonlikdan himoya qilish bo‘yicha pedagog va xodimlarning huquqiy, psixologik mas’uliyatini oshirishga qaratilgan mutaxassislar ishtirokida professor-o‘qituvchilar va talabalar o‘rtasida davra suhbati o‘tkazildi.

Tadbirda Samarqand viloyat adliya boshqarmasi mas’ul xodimi B.Isakov, Samarqand shahar ichki ishlar bo‘limi inspektorlari D.Sh.Nurvafayeva va F.Sh.Axatova, shuningdek, universitet profilaktika noziri A.X.Tojiyev ishtirok etib, xotin-qizlar huquqlarini himoya qilishning huquqiy asoslari, ta’lim tizimining roli va ijtimoiy mas’uliyat haqida o‘z fikrlarini bildirdilar.

Tadbirda tarqatilgan materiallar ishtirokchilarga katta ta’sir o‘tkazdi va hammani xotin-qizlar huquqlarini himoya qilishning ahamiyatiga yana bir bor e’tibor qaratishga undadi. 

“Xotin-qizlar huquq va manfaatlarini himoya qilishning huquqiy asoslari: ta’lim tizimi va professor-o‘qituvchilarning ma’naviy-ma’rifiy missiyasi hamda ijtimoiy o‘rni” mavzusida o‘tkazilgan davra suhbati barcha ishtirokchilarda yaxshi taassurot qoldirdi.

Ma’lumki, bugungi kunda davlat xizmatlari ko‘rsatish sifati, tezkorligi, shaffofligi va ularni qo‘llash imkoniyatlari tubdan oshirilmoqda. 

Boshqarma boshlig'i S.Sattarov tadbirkorlik subyektlari hamda yuridik va jismoniy shaxslarga “yagona darcha” tamoyili bo‘yicha xizmat ko‘rsatish markazida amalga oshirilayotgan ishlar hamda yaratilgan sharoitlar bilan tanishdi. 

Jarayonda tuman FHDY bo'limi faoliyati, elektron tizimdagi qulaylik va kamchiliklar shuningdek, xizmatlardan foydalanayotgan aholining kayfiyati  hamda davlat xizmatlari va aholiga sifatli yuridik xizmat ko'rsatishni yanada yaxshilash borasidagi takliflar yuzasidan fikr almashildi.

Muloqot davomida xodimlarga Adliya vazirligi tizimida korrupsiyaga qarshi murosasiz kurash, mehnat intizomi va odob-axloq qoidalariga qat’iy rioya etish masalalari bo‘yicha ham  tushuntirishlar berildi.

Ijtimoiy hayot insonlar o‘rtasidagi ishonch va hurmatga tayangan munosabatlar maydoni bo‘lsa-da, bugungi raqamli davrda ayrim kimsalar aynan shu ishonchdan onlayn makonda g‘arazli maqsadlarda foydalanmoqda — soxta havolalar, yolg‘on va’dalar, qalbaki akkauntlar va turli kiberusullar orqali fuqarolarning soddaligi va ishonuvchanligini suiiste’mol qilayotgan bunday shaxslar jamiyatda onlayn firibgarlar sifatida tanilib, ogohlik va huquqiy bilimni har qachongidan ham muhim zaruratga aylantirmoqda.

Viloyat аdliya boshqarmasi tashabbusi bilan boshqarma huzuridagi “Adliya qanotlari” jamoasi hamda viloyat IIB hamkorligida Samarqand avtoshohbekati hududida firibgarlik jinoyatlari, ayniqsa kiberjinoyatchilikning oldini olishga qaratilgan navbatdagi manzilli profilaktik huquqiy targ‘ibot tadbiri o‘tkazildi.

Tadbir davomida fuqarolarga zamonaviy axborot texnologiyalari orqali sodir etilayotgan firibgarlik holatlarining xavfi, ularning oqibatlari hamda himoyalanish usullari haqida batafsil tushuntirishlar berildi va  mavzu yuzasidan tayyorlangan buklet,  flayerlar tarqatildi.

Viloyat adliya boshqarmasi boshlig‘i  S.Sattarov O'zbekiston Respublikasi Prezidentining  PQ-1-sonli qarori ijrosi yuzasidan Urgut tumanida bo'ldi.

Dastlab:
▪️PQ–1-sonli qaror bilan ishlash jarayonida e’tibor qaratilishi lozim bo‘lgan muhim jihatlarga e'tibor qaratildi;
▪️Biriktirilgan "Mustaqillik" MFYda bo'lib, nizoli oilalarning muammolari o'rganildi hamda mas'ullarga tegishli ko'rsatmalar berildi;
▪️Tuman adliya bo'limida bo'lib, bo'lim faoliyati bilan tanishdi;
▪️Yuridik xizmat ko‘rsatish markazi xodimlarining ish faoliyati o'rganilib, muammo va takliflari eshitildi;
▪️Davlat xizmatlari markazi hamda FXDY faoliyati tahlil qilindi.
▪️Davlat xizmatlarini ko'rsatishda fuqarolarga qulayliklar yaratilishi lozimligi to'g'risida ko'rsatmalar berildi.