Yangiliklar
Viloyat adliya boshqarmasi mas’ul xodimi A. Kuylanov tomonidan So‘zangaron Abu Ali ibn Sino nomidagi jamoat salomatligi texnikumida xodimlar va talaba-yoshlar ishtirokida ekologik bilimlarni oshirishga qaratilgan seminar-trening o‘tkazildi.
Tadbir davomida ekologik huquq, atrof-muhitni muhofaza qilish bo‘yicha dolzarb masalalar, mavjud ekologik muammolar va ularning yechimiga oid fikr-mulohazalar bildirildi. Shuningdek, ishtirokchilarga ekologik madaniyatni yuksaltirish yo‘nalishidagi ilg‘or xalqaro tajribalar haqida ma’lumotlar berildi.
Mazkur seminar ekologik ong va mas’uliyatini oshirishga xizmat qilish bilan birga, ekologik xavfsizlikni ta’minlash borasida zarur amaliy bilim va ko‘nikmalarni mustahkamlashga ham katta hissa qo‘shdi.
Huquqshunoslik kasbining obro‘si va nufuzini oshirish, yoshlarda ushbu kasbga nisbatan hurmat va faxr tuyg‘ularini shakllantirish, ularni huquqiy bilim olishga qiziqtirish bo‘yicha mamklakatimizda bir qator izchil islohotlar amalga oshirilmoqda.
Oʻzbekiston Respublikasi Prezidentining 2024-yil 24-maydagi “Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi PF-80-son Farmoniga muvofiq Samarqand hamda Namangan viloyati yuridik texnikumlari negizida Toshkent davlat yuridik universiteti huzuridagi Samarqand hamda Namangan viloyat akademik litseylari tashkil etildi.
Akademik litsey Davlat ta’lim standartlariga mos ravishda to‘qqiz yillik tayanch o‘rta ta’lim asosida 2 yil mobaynida amalga oshiriladigan va ta’lim oluvchilarning intellektual qobiliyatlarining jadal rivojlanishini ta’minlaydigan, shuningdek chuqurlashtirilgan ta’lim dasturlari asosida o‘qitish amalga oshiriladigan, kasb-hunarga va shaxsga yo‘naltirilgan ta’lim olishini ta’minlaydigan davlat o‘rta maxsus ta’lim muassasasi hisoblanadi.
Hozirda Toshkent davlat yuridik universiteti huzuridagi Samarqand viloyat akademik litseyida jami 358 nafar o‘quvchilar tahsil olib ularga 30 ga yaqin professor-o‘qituvchilar ta’lim berib kelmoqda.
Akademik litseyda “Davlat va huquq asoslari” hamda Ingliz tili fanlari chuqurlashtirib o‘qitiladi.
Dars jarayonlari interaktiv usullarda, yangi pedagogik texnologiyalar asosida zarur texnik vositalarni qo‘llagan holda olib borilmoqda.
Shuning akademik litsey o‘quvchilariga bevosita TDYU professor-o‘qituvchilari tomonidan onlayn dars-mashg‘ulotlari, hamkor tashkilotlar, xususan, adliya boshqarmasi, sud, advokatura, notarius, majburiy ijro byurosi tomonidan “Mahorat darslari” olib borilmoqdaki bu o‘quvchilarga o‘z sohasiga qiziqishini yanada oshirishga xizmat qiladi.
Litseyda o‘quvchilarning bo‘sh vaqtlarini samarali tashkil etish maqsadida sport to‘garaklari bilan bir qatorda “Suniy intellekt”, “Fashion and style”, “Yuridik klinika”, “Muzokara san’ati”, “Notiqlik va nutq mahorati”, “social media market”, “Mantiqiy fikrlash” kabi to‘garak va loyihalar tashkil etilgan bo‘lib, unda o‘quvchilar intellektual ko‘nikmalarini ham oshirib bormoqda.
2025/2026 o‘quv yilida Toshkent davlat yuridik universiteti huzuridagi Samarqand viloyat yuridik akademik litseyida o‘quvchilar ma’naviyatini yuksaltirish va ularning bo‘sh vaqtini mazmunli tashkil etish bo‘yicha bir qator ishlar amalga oshirildi.
Xususan, bugungi kunga qadar akademik litseyda jami 8 ta to‘garak va klublar faoliyati yo‘lga qo‘yilgan bo‘lsa, joriy o‘quv yilidan boshlab akademik litsey Talabalar assotsasiyasi huzurida “Inklyuziv volontyorlari” guruhi,
“Media club” hamda “Yoshlar korrupsiya qarshi ” klublari ham o‘z faoliyatini boshladi.
Shuningdek, akademik litseyda futbol, voleybol, shaxmat, shashka hamda stol tennis sport klublari faoliyati yo‘lga qo‘yilib unda o‘quvchilarning faol ishtiroki ta‘minlanmoqda.
O‘quvchilarning bo‘sh vaqtlarini mazmunli tashkil etish, davlat va jamiyatga yetuk, yosh va raqobatbardosh kadrlarni tayyorlash, yoshlarni ona Vatanga sadoqat, halollik, mehnatsevarlik va fidoyilik ruhida tarbiyalash va intellektual salohiyatini oshirish hamda ularga o‘z iqtidor va salohiyatini namoyon etishga imkoniyatlar yaratish maqsadida har yili Toshkent davlat yuridik universiteti huzuridagi akademik litsey o‘quvchilari o‘rtasida “Lex Pride” – (Akademik litsey faxri) Respublika ko‘rik-tanlovi o‘tkazilib kelinmoqda.
Xususan, joriy o‘quv yilida o‘tkazilgan tanlovning Respublika bosqichida TDYU huzuridagi Samarqand viloyat akademik litsey o‘quvchisi Olimova Sabrina Jamshidovna faxrli III o‘rinni egalladi.
O‘quvchilarning bo‘sh vaqtlarini samarali tashkil etish hamda ularning ilmiy izlanishlarga oid bilim va ko‘nikmalarini yanada oshirish maqsadida bir qator seminar, ilmiy konferensiya hamda loyihalarga jalb qilinmoqda.
O‘zbekiston Respublikasi Adliya vazirligi hamda Toshkent davlat yuridik universiteti hamkorligida tashkil etilgan “Huquq maktabi” o‘quv kurslarida akademik litseyning 100 nafardan ortiq o‘quvchisi ishtirok etib 150 ga yaqin sertifikatlarni qo‘lga kiritdi.
2025-yil sentabr oyida Toshkent davlat yuridik universiteti huzuridagi Samarqand viloyat akademik litseyi 2-bosqich, 207-guruh o‘quvchisi Azamatova Shahzoda Otabek qizi Mustaqil Davlatlar Hamdo'stligi (MDH) miqyosida tashkil etilgan “Yuksak ehtirom” xalqaro ilmiy-amaliy ko‘rik tanlovda ishtirok etib, estalik ko‘krak nishoni bilan taqdirlandi.
O‘quvchilarning nazariy bilimlarini amaliyotda mustahkamlash maqsadida ularning bo‘sh vaqtlarida mutasaddi idorlar bilan hamkorlikda bir qator uchrashuvlar tashkil etilmoqda. Xususan Samarqand viloyat adliya boshqarmasi, Majburiy ijro byurosi Samarqand viloyat boshqarmasi, Samarqand viloyat sudi, Advokatlar palatasi Samarqand viloyat boshqarmasi va hokazo.
Yoshlarning huquqiy ongi va huquqiy madaniyatini yuksaltirish hamda ularning huquqiy tarbiyasiga salbiy ta’sir ko‘rsatuvchi omillarga nisbatan huquqiy immunitetni shakllantirish, yoshlar o‘rtasida huquqbuzarliklarga nisbatan murosasizlik munosabatini shakllantirish, ularda qonunlarga hurmat, mamlakat taqdiriga daxldorlik hamda vatanparvarlik hissini kuchaytirishga qaratilgan tadbirlar kelgusida davom ettiriladi.
TDYU huzuridagi Samarqand viloyat akademik litsey direktorining yoshlar bilan ishlash bo‘yicha o‘rinbosari J.Otaqulov
Viloyat adliya boshqarmasi tomonidan Samarqand davlat pedagogika institutida “Xotin-qizlarga nisbatan raqamli zo‘ravonlikka barham berish uchun birlashaylik!” mavzusida tadbir o‘tkazildi.
Tadbir jamiyatda tez sur’atda rivojlanayotgan raqamli texnologiyalar sharoitida xotin-qizlarning xavfsizligini ta’minlashga qaratilgan muhim tashabbus bo‘lib, bugungi kunda internetdagi kamsitish, shantaj, kiber ta’qib, shaxsiy ma’lumotlarni ruxsatsiz tarqatish kabi holatlarning ayollarning shaxsiy hayoti, ruhiy salomatligi va ijtimoiy faolligiga jiddiy ta’sir ko‘rsatayotgani ta’kidlandi.
Tadbirda adliya mas’uli tomonidan kiber ta’qib, shantaj, kamsitish, soxta akkauntlardan foydalanish, ruxsatsiz surat yoki ma’lumot tarqatish kabi holatlar hayotiy misollar asosida tushuntirildi.
Shuningdek, ayollar va voyaga yetmaganlarning raqamli maydondagi huquqlari, ularni himoya qiluvchi qonuniy mexanizmlar hamda huquqbuzarlik sodir bo‘lganda murojaat qilish tartibi haqida huquqiy tushuntirishlar berildi.
Bugun Samarqand viloyat adliya boshqarmasi rahbariyati “Ipak yo‘li” turizm va madaniy meros xalqaro universitetining bir guruh talabalari bilan uchrashuv o‘tkazdi.
Uchrashuv davomida talabalarga adliya organlarining faoliyati, huquqiy davlatni shakllantirishda adliya tizimining o‘rni hamda yoshlar uchun yaratilayotgan imkoniyatlar haqida batafsil ma’lumot berildi.
Tadbirning asosiy maqsadi — yoshlar ongida huquqiy madaniyatni yuksaltirish, ularni davlat organlari faoliyati bilan yaqindan tanishtirish va amaliy bilimlarini boyitishdan iborat bo‘ldi.
Talabalar o‘zlarini qiziqtirgan savollariga javob olishdi, shuningdek, adliya sohasidagi innovatsion yondashuvlar, raqamlashtirish jarayonlari va yosh mutaxassislar uchun mavjud istiqbollar haqida ham fikr almashdilar.
Uchrashuv iliq va samarali ruhda o‘tdi. Yoshlar uchun bunday amaliy uchrashuvlar ularning kasbiy yo‘nalishini belgilashda muhim ahamiyatga ega.
#Adliya_xabari
Samarqandda sud ekspertizasi sohasiga oid dolzarb masalalar muhokama qilindi
Samarqand viloyat adliya boshqarmasida X. Sulaymonova nomidagi Respublika sud ekspertizasi markazi hamkorligida O‘zbekiston Respublikasi Prezidentining 2025-yil 8-sentabrdagi PQ–270-son qarorida belgilangan vazifalar ijrosini ta’minlash hamda sud ekspertizasi sohasiga oid dolzarb masalalarni muhokama qilish maqsadida tadbir tashkil qilindi.
Tadbirda Markaz direktori A. Xalilov, shuningdek, viloyatning sud ekspertizasi sohasidagi vakillar, adliya organlari, sudlar, advokatlar va boshqa mas’ul idoralar vakillari ishtirok etdi.
Unda sud-ekspertlik faoliyatini raqamlashtirish, “E-ekspertiza” tizimini joriy etish, hujjat aylanishini to‘liq raqamlashtirish, nodavlat ekspertiza institutlari rolini oshirish va malaka baholash tizimini takomillashtirish masalalari muhokama qilindi.
Tadbir sud ekspertizasi sohasida tajriba almashish, tizimli hamkorlikni mustahkamlash va kelgusidagi faoliyatni yanada takomillashtirishga xizmat qildi.
Бу ҳақдаги аниқ қоидалар Ўзбекистон Республикаси Вазирлар Маҳкамасининг 2009 йил 14 апрелдаги 110-сон қарори билан тасдиқланган низомда белгиланган.
Батафсил ???? Ўқиш (https://hudud24.uz/news/mib-khodimi-uiingizdagi-khar-bir-buiumni-khatlashi-mumkinmi)
Bugun, 2025-yil 25-noyabr kuni Yoshlar markazi binosida “Fuqarolik jamiyati haftaligi”ning hududiy bosqichi bo‘lib o‘tdi. Tadbirda fuqarolik jamiyati institutlari, davlat tashkilotlari, ommaviy axborot vositalari vakillari hamda boshqa mas’ul tashkilotlar qatnashdi.
Tadbirni viloyat Adliya boshqarmasi boshlig‘i o’rinbosari Sh.Abduxalimov kirish so’zi bilan ochib, viloyat hokimining fuqarolik jamiyati instituti vakillariga yo‘llagan tabrik so‘zini o‘qib eshittirdi. Shuningdek, Oliy Majlis Qonunchilik palatasi deputati A. Shadmanov NNTlarning jamiyatdagi o‘rni, ularning vazifalari va nodavlat sektor bilan hamkorlikni rivojlantirish masalalariga to‘xtalib o‘tdi.
Tadbir doirasida “Fuqarolik jamiyati institutlari tomonidan amalga oshirilayotgan loyihalarning ijtimoiy samaradorligi” mavzusida NNT vakillarining turli yo‘nalishlardagi ma’ruzalari tinglandi. Ular o‘z faoliyat yo‘nalishlarida amalga oshirilayotgan tashabbuslar, mavjud natijalar va istiqboldagi rejalar yuzasidan axborot berdilar.
Viloyat adliya boshqarmasi mas’ul xodimlari tomonidan O‘zbekiston Respublikasi Prezidentining 2025-yil 3-yanvardagi PQ-1-son qarori mazmuni va huquqbuzarliklarning oldini olish masalalari yuzasidan aholini kibermadaniyat hamda internet xavfsizligi bo‘yicha xabardor qilish ishlari davom ettirilmoqda.
Xususan, tibbiyot muassasalarida o‘tkazilgan uchrashuvlarda fuqarolarga:
Shaxsiy ma’lumotlarni himoya qilish yo‘llari;
Firibgarlik va kiberhujumlardan saqlanish bo‘yicha tavsiyalar;
Internetdan xavfsiz foydalanishning amaliy qoidalari tushuntirildi.
Shuningdek, aholi gavjum savdo markazlarida fuqarolarga zararli APK fayllaridan himoya qiluvchi “Samcyber102” ilovasi va botining funksiyalari haqida ma’lumot berilib, tegishli tarqatma materiallar ulashildi.
Samarqand shahar adliya bo‘limiga Sanitariya-epidemiologik osoyishtalik va jamoat salomatligi Samarqand shahar bo‘limida faoliyat yuritayotgan 2 nafar salohiyatli yosh shifokor adolat izlab, murojaat qilishdi.
Ular o‘z murojaatlarida qonun bilan belgilangan yosh mutaxassislar uchun mo‘ljallangan rag‘batlantiruvchi to‘lovlar ularga berilmayotganini ma’lum qilishdi.
Adliya bo‘limi bu murojaatni befarq qoldirmadi. Mavjud huquqiy asoslar sinchkovlik bilan o‘rganilib, bo'limning bunday harakati noo‘rin va qonunga zid ekani aniqlandi.
Natijada, adliya bo‘limi tomonidan Sanitariya-epidemiologik osoyishtalik va jamoat salomatligi Samarqand shahar bo‘limiga bajarilishi majburiy boʻlgan taqdimnoma kiritilib, 2 nafar salohiyatli yosh shifokorning foydasiga jami 7 million so‘m miqdorida pul mablag'lari toʻlab berilishi taʼminlandi.
Oʻzbekiston Respublikasi Prezidenti tomonidan 2024-yil 26-avgustda qabul qilingan PF‑124‑sonli Farmoni bilan har yili dekabr oyining birinchi haftasida “Fuqarolik jamiyati haftaligi” o'tkazilishi belgilab qo'yilgan.
Shu munosabat bilan, Samarqand viloyati Adliya boshqarmasida nodavlat notijorat tashkilotlari (NNT), davlat idoralari va OAV vakillari ishtirokida ochiq muloqot bo‘lib o‘tdi.
Tadbirda quyidagi masalalar muhokama qilindi:
2021–2025-yillarda fuqarolik jamiyatini rivojlantirish konsepsiyasining natijalari va 2030-yilgacha strategik rejalar;
Fuqarolik jamiyati institutlarini mustahkamlash bo‘yicha normativ‑huquqiy hujjatlar (O‘RQ–1083-son Qonuni);
Jamoatchilik nazorati va ochiqlik siyosati;
Fuqarolik jamiyati uchun yaratilgan sharoitlar va ulardan samarali foydalanish;
Davlat va nodavlat tashkilotlar o‘rtasida hamkorlik memorandumini imzolash.
Tadbir yakunida ishtirokchilar o‘z taklif va tavsiyalarini bildirishdi, hamkorlikda yo‘l xaritasini shakllantirish bo‘yicha kelajak rejalar muhokama qilindi.