Yangiliklar

Endilikda viloyatimizdagi barcha tuman va shahar FHDY bo‘limlarida, jumladan Ishtixon tumani FHDY bo‘limida ham, nikohlanuvchi shaxslarning istagi va buyurtmasi asosida tantanali tarzda nikohni qayd etish imkoniyati yaratildi. Ushbu tashabbus doirasida yoshlarga qulaylik yaratish maqsadida fotosessiya, keytering (marosim uchun yegulik va ichimliklar), bezak ishlari hamda boshqa qo‘shimcha xizmatlar taklif etilmoqda.

Xususan, joriy yilning 22-dekabr kunida Ishtixon tumani FHDY bo‘limida tantanali nikoh marosimi o‘tkazilib, 9 ta nikoh shartnomasi tuzildi, shuningdek 2 ta tug‘ilganlik to‘g‘risidagi guvohnoma joyiga chiqib topshirildi.

Bu kabi tashabbuslar oilaviy qadriyatlarni mustahkamlash, yoshlarga quvonch ulashish hamda fuqarolarga zamonaviy va qulay xizmatlar ko‘rsatishga xizmat qilmoqda. 

Viloyat adliya boshqarmasiga Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi xodimi F.T. tomonidan yuridik xizmat xodimlariga har chorakda sudgacha va sud tartibida davlat organlari hamda tashkilotlari foydasiga hal qilingan nizolar bo‘yicha undirilgan mablag‘lardan mukofot pulini undirib berishda amaliy yordam so‘rab murojaat qilingan.

-Mazkur murojaat Samarqand viloyati adliya boshqarmasi tomonidan o‘rganilib, fuqaro manfaatida sudga da’vo arizasi kiritildi.

-2026-yil 26-noyabr kuni fuqarolik ishlari bo‘yicha Samarqand shahar sudining hal qiluv qarori bilan 2021–2025 yillar davomida to‘lanmagan mukofot pullari fuqaro foydasiga jami 278 462 121 so‘m miqdorida undirib berildi.

-Adliya organlari tomonidan fuqarolarning huquqlarini himoya qilish bo‘yicha ishlar tizimli ravishda davom ettirilmoqda.

2025-yil 8-sentyabrda imzolangan PF–157-son Farmoni raqamlashtirish va byurokratik to‘siqlarni qisqartirishda muhim omil bo‘lib xizmat qilmoqda.

-Kelgusi 3 yilda barcha xizmatlar “yagona darcha” tamoyili asosida qamrab olinadi, va 2028-yilga qadar YIDXP hamda Davlat xizmatlari markazlari orqali 900 xizmat taqdim etiladi.

-30 turdagi ma’lumotlar fuqaroning shaxsiy kabinetiga real vaqt rejimida bepul joylashtiriladi.

-mingdan ortiq infokiosklar gavjum va uzoq hududlarga o‘rnatiladi.

-Xizmatlar endi hayotiy vaziyatlarga bog‘langan holda taqdim etiladi. Masalan: avtomashina sotib olishda ishonchnoma, sug‘urta, tonirovka, gaz balon o‘rnatish xizmatlari bir vaqtda taklif qilinadi.

Viloyat adliya boshqarmasiga Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi xodimi F.T. tomonidan yuridik xizmat xodimlariga har chorakda sudgacha va sud tartibida davlat organlari hamda tashkilotlari foydasiga hal qilingan nizolar bo‘yicha undirilgan mablag‘lardan mukofot pulini undirib berishda amaliy yordam so‘rab murojaat qilingan.

Mazkur murojaat Samarqand viloyati adliya boshqarmasi tomonidan o‘rganilib, fuqaro manfaatida sudga da’vo arizasi kiritildi.

2026-yil 26-noyabr kuni fuqarolik ishlari bo‘yicha Samarqand shahar sudining hal qiluv qarori bilan 2021–2025 yillar davomida to‘lanmagan mukofot pullari fuqaro foydasiga jami 278 462 121 so‘m miqdorida undirib berildi.

Bugungi kunda yurtimiz bo‘ylab yog‘ayotgan oppoq qor tabiatga o‘zgacha fayz bag‘ishlab, ko‘ngillarga quvonch ulashmoqda. Uzoq kutilgan qish manzaralari nafaqat atrof-muhitni bezadi, balki insonlar qalbida mehr-oqibat va samimiyat tuyg‘ularini yanada mustahkamladi.

Ana shunday sovuq kunlarda aholiga qulay sharoitlar yaratish maqsadida  Toyloq tumani adliya bo‘limi Davlat xizmatlari markazida fuqarolar uchun alohida e’tibor ko‘rsatilmoqda. Markazga tashrif buyurgan aholi tezkor va sifatli davlat xizmatlaridan foydalanish barobarida, iliq muhitda issiq choy va shirinliklar bilan samimiy kutib olinmoqda.

Samarqand shahar adliya bo‘limi tomonidan shahar Obodonlashtirish boshqarmasiga qarashli Qabristonlarni saqlash uchastkasida Hukumatning 735-son qarori mazmuniga bag‘ishlangan huquqiy targ‘ibot tadbiri o‘tkazildi. Tadbirda dafn etish ishlarini tashkil etish, hisobini yuritish va nazoratni kuchaytirishga qaratilgan yangi tartiblar tushuntirildi.

Xususan, 2026-yil 1-martdan boshlab vafot etgan shaxsning yaqinlariga YIDXP orqali QR-kodli bepul ma’lumotnoma yuborilishi va u gerbli guvohnomaga tenglashtirilishi ma’lum qilindi. 

Shuningdek, 2026-yilning ikkinchi yarmida Toshkent shahrida dafn etish ishlarini faqat elektron tizim orqali rasmiylashtirish bo‘yicha tajriba o‘tkazilishi ta’kidlandi.

Tadbir yakunida ishtirokchilarning savollariga mutaxassislar tomonidan huquqiy tushuntirishlar berildi.

Vazirlar Mahkamasining fuqarolik holati dalolatnomalarini rasmiylashtirish tartiblarini yanada takomillashtirishga qaratilgan qaroriga muvofiq, tibbiyot muassasalari tomonidan berilayotgan QR-kodli ma’lumotnoma tug‘ilganlik haqidagi gerbli guvohnomaga tenglashtirilgan.

Ota-onalar xohishiga ko‘ra bolaning tug‘ilganligini qayd etish jarayoni tantanali muhitda tashkil etilishi mumkin. 

Shu asosda Samarqand shahar 4-son FHDY bo‘limi xodimlari tomonidan joylarda hamda tug‘ruq komplekslarida fuqarolar murojaatiga binoan tug‘ilganlik haqidagi guvohnomalar sayyor tartibda topshirilmoqda.

Bu kabi qulayliklar oilalarga quvonch ulashib, davlat xizmatlarining aholiga yanada yaqin bo‘lishini ta’minlamoqda.

Samarqand viloyat adliya boshqarmasining ijtimoiy tarmoqlardagi sahifalariga a'zo bo'lish orqali siz qonunchilikdagi yangiliklardan o'z vaqtida xabardor bo'lib borishingiz mumkin.

Telegram: https://t.me/qonun_va_huquq

Facebook: https://www.facebook.com/sam_adliya/

YouTube: https://youtube.com/@mj-zj2tt?si=6VwdRv4Ls_9uH65_ (https://www.youtube.com/channel/UCfrxZAwBsy74sDdZG2OcMMQ)

 Web sayt: https://samarqand.adliya.uz/

Мurojaat uchun:

  ▪️Elektron pochta: samarqand@adliya.uz 
  ▪️Тelefon: +998 55 701 00 55

Adliya aralashuvi bilan ish beruvchi aybi bilan bekor turib qolgan davr uchun xodimga 30 925 125 so‘m ish haqi to'lab beriladigan bo'ldi.

Nurobod tuman adliya bo‘limiga xotin-qizlar faoli G.N. murojaat qilib, mehnat shartnomasi bekor qilinmagan bo‘lsa-da, ish beruvchi tumani oila va xotin-qizlar bo‘limi ish joyi qisqartirilgani bahona qilib uning mehnat vazifalarini bajarishiga to‘sqinlik qilayotgani va ish haqi to‘lanmayotganini bildirgan.

O‘rganish davomida G.N. 2024-yil 29-aprelda ishga qabul qilingani, biroq ish beruvchi aybi bilan 2025-yil 8-maydan 2025-yil avgustgacha ishlay olmagani hamda ushbu davr uchun o'rtacha ish haqi to‘lanmagani aniqlandi.

Shundan so‘ng adliya bo‘limi Mehnat kodeksining 265–266-moddalariga zid bu holat yuzasidan sudga da’vo kiritdi va Pastdarg‘om tuman sudining 11-noyabrdagi qaroriga asosan G.N. foydasiga 30 925 125 so‘m ish haqi va 8 000 000 so‘m ma’naviy zarar undirildi.

Bugungi kunda korrupsiya fuqarolarning ijtimoiy adolatga va davlat organlariga bo‘lgan ishonchini susaytiradi, davlatning 
iqtisodiy o‘sishiga salbiy ta’sir ko‘rsatadi, shuningdek, jamiyatdagi ma’naviy muhitning buzilishiga olib keladi.
Mazkur illatga qarshi kurashish borasida mamlakatimizda qabul qilingan xalqaro hujjatlarni ratifikatsiya qilish bilan bir qatorda, korrupsiya va jinoyatchilikka qarshi kurashish hamda uning oldini olishga qaratilgan mustahkam milliy huquqiy baza va tizimli amaliyot shakllantirilgan.

Bu borada arxiv muassasalarida ham samarali ishlar amalga oshirib kelinmoqda.

Xususan, viloyat adliya boshqarmasi tomonidan Viloyat arxiv ishi hududiy boshqarmasida korrupsiyaga qarshi kurashish mavzusida o‘quv-seminar tashkil etildi.

Tadbirda viloyat adliya boshqarmasi mas’ul xodimi N. Fayziyeva ma’ruza qilib, korrupsiyaga qarshi kurashish sohasidagi amaldagi qonunchilik normalari haqida batafsil ma’lumot berdi.

Shuningdek, seminar davomida korrupsiyaning oldini olish, unga nisbatan murosasiz munosabatni shakllantirish, davlat xizmatchilarining mas’uliyati va halollik tamoyillariga qat’iy rioya etish masalalariga alohida e’tibor qaratildi.