Yangiliklar

Adliya aralashuvi bilan ish beruvchi aybi bilan bekor turib qolgan davr uchun xodimga 30 925 125 so‘m ish haqi to'lab beriladigan bo'ldi.

Nurobod tuman adliya bo‘limiga xotin-qizlar faoli G.N. murojaat qilib, mehnat shartnomasi bekor qilinmagan bo‘lsa-da, ish beruvchi tumani oila va xotin-qizlar bo‘limi ish joyi qisqartirilgani bahona qilib uning mehnat vazifalarini bajarishiga to‘sqinlik qilayotgani va ish haqi to‘lanmayotganini bildirgan.

O‘rganish davomida G.N. 2024-yil 29-aprelda ishga qabul qilingani, biroq ish beruvchi aybi bilan 2025-yil 8-maydan 2025-yil avgustgacha ishlay olmagani hamda ushbu davr uchun o'rtacha ish haqi to‘lanmagani aniqlandi.

Shundan so‘ng adliya bo‘limi Mehnat kodeksining 265–266-moddalariga zid bu holat yuzasidan sudga da’vo kiritdi va Pastdarg‘om tuman sudining 11-noyabrdagi qaroriga asosan G.N. foydasiga 30 925 125 so‘m ish haqi va 8 000 000 so‘m ma’naviy zarar undirildi.

Bugungi kunda korrupsiya fuqarolarning ijtimoiy adolatga va davlat organlariga bo‘lgan ishonchini susaytiradi, davlatning 
iqtisodiy o‘sishiga salbiy ta’sir ko‘rsatadi, shuningdek, jamiyatdagi ma’naviy muhitning buzilishiga olib keladi.
Mazkur illatga qarshi kurashish borasida mamlakatimizda qabul qilingan xalqaro hujjatlarni ratifikatsiya qilish bilan bir qatorda, korrupsiya va jinoyatchilikka qarshi kurashish hamda uning oldini olishga qaratilgan mustahkam milliy huquqiy baza va tizimli amaliyot shakllantirilgan.

Bu borada arxiv muassasalarida ham samarali ishlar amalga oshirib kelinmoqda.

Xususan, viloyat adliya boshqarmasi tomonidan Viloyat arxiv ishi hududiy boshqarmasida korrupsiyaga qarshi kurashish mavzusida o‘quv-seminar tashkil etildi.

Tadbirda viloyat adliya boshqarmasi mas’ul xodimi N. Fayziyeva ma’ruza qilib, korrupsiyaga qarshi kurashish sohasidagi amaldagi qonunchilik normalari haqida batafsil ma’lumot berdi.

Shuningdek, seminar davomida korrupsiyaning oldini olish, unga nisbatan murosasiz munosabatni shakllantirish, davlat xizmatchilarining mas’uliyati va halollik tamoyillariga qat’iy rioya etish masalalariga alohida e’tibor qaratildi.

Ishtixon  tuman FHDY bo‘limi tomonidan joriy yilning 15-dekabr kunida  jami 12 ta nikoh shartnomasi imzolandi.

Tadbir davomida yangi juftliklarga nikoh guvohnomalari bilan birga nikoh shartnomalari tantanali  topshirildi.

Har bir nikoh shartnomasi — bu yangi juftliklar uchun  huquqiy kafolat, mustahkam oila va baxtli kelajak boshlanishi demakdir. Yangi oilalarga oilaviy hayot, huquqiy bilim va baraka tilab, amaliy tushuntirishlar berildi.

Ushbu tadbir yoshlarni huquqiy ong bilan ta’minlash, oilaviy qadriyatlarni mustahkamlash va har bir yangi nikohni rasmiylashtirish orqali jamiyatda oilaning o‘rnini oshirishga xizmat qilmoqda.

Yashirin iqtisodiyot — milliy iqtisodiyotning turli bo‘g‘inlarida xufiyona tarzda amalga oshiriladigan, nazorat qilinmaydigan va soliqlardan bo‘yin tovlashga qaratilgan faoliyatdir.

Ushbu faoliyat nafaqat davlatning iqtisodiy negiziga salbiy taʼsir qiladi, balki halol raqobat muhitining shakllanishiga va korrupsiyaga qarshi kurash tadbirlarining samaradorligiga ham jiddiy putur yetkazadi.

Bugungi globallashuv sharoitida mamlakatimizda yashirin iqtisodiyotning yangi usul va kanallari shakllanmoqda, bu esa iqtisodiyotimiz uchun real xavf hisoblanadi. Shu sababli unga barvaqt barham berishda insofli tadbirkorlar va jamoatchilikning faol ishtiroki muhim ahamiyatga ega.

Qonunchilikka ko'ra, sotuvchi iste'molchilarning qiziqishini oshirish, sotuvni ko'paytirish maqsadida o'zi realizatsiya qilayotgan tovarlarga nisbatan rag'batlantiruvchi aksiya yoki chegirmalar qo'llashi mumkin.
 Bunda sotuvchi tovarning chegirma narxgacha bo'lgan narxini ko'rsatgan taqdirda, chegirma hisoblanadi, aks holda chegirma hisoblanmaydi va tovar narxini arzonlashtirish sifatida baholanadi. 
Chegirmada ko'rsatilgan chegirma narxgacha bo'lgan narx chegirma e'lon qilingunga qadar oxirgi 30 kundagi eng past narx bo'lishi lozim.
 Sotuvchi sun'iy ravishda narxlarni oshirib, keyinchalik arzonlashtirilgan narxlarni chegirma sifatida ko'rsatish orqali iste'molchilarni chalg'itishi taqiqlanadi. (https://lex.uz/docs/-243235#-7808406)

Samarqand tuman adliya bo‘limi DXM aloqa operatori Fayziyev Abduramiz Abdurasul o‘g‘li noyabr oyining “Oyning eng yaxshi texnik xodimi” deb topildi.

Boshqarma jamoasi Abduramiz Fayziyevni ushbu e’tirof bilan tabriklaydi. Kelgusidagi ishlarida muvaffaqiyat, g‘ayrat va shijoat doimiy hamroh bo‘lishini tilaydi.

Samarqand viloyat adliya boshqarmaning Huquqiy axborot shu'basi boshlig‘i Kuylanov Akmal Abduraimovich noyabr oyining  “Oyning eng yaxshi boshqaruv xodimi” deb topildi.

Adliya boshqarmasi jamoasi  Akmal Abduraimovichni ushbu e’tirof bilan tabriklaydi. Kelgusidagi ishlarida muvaffaqiyat, g‘ayrat va shijoat doimiy hamroh bo‘lishini tilaydi.

"9-dekabr - Xalqaro korrupsiyaga qarshi kurashish kuni" munosabati bilan adliya boshqarmasi hamda boshqa huquqni muhofaza qiluvchi organlar bilan hamkorlikda  "O'zbekiston Respublikasi tashqi iqtisodiy faoliyat Milliy banki" AJ Samarqand viloyat bosh boshqarmasi hamda uning hududiy bo'limlariga “Korrupsiya - taraqqiyot kushandasi” mavzusida targ‘ibot tadbiri tashkil etildi.

Tadbirda korrupsiya oqibatlari, huquqiy madaniyat va toza jamiyatni shakllantirishdagi har bir fuqaroning roli haqida fikr-mulohazlar bildirildi.

8-dekabr — O‘zbekiston Respublikasi Konstitutsiyasi qabul qilinganligining 33 yilligi munosabati bilan adliya sohasida samarali mehnat qilib kelayotgan bir guruh xodimlar e'tirof etildi. Ular adliya vaziri buyrug‘i bilan ta'sis etilgan “Adliya a'lochisi” ko‘krak nishoni bilan taqdirlandi.

Hamkasblarimizni ushbu mukofot bilan tabriklaymiz hamda kelgusi ishlarida rivoj va omadlar tilaymiz!

Paxtachi tuman adliya bo‘limi tomonidan tumanning 43-sonli umumta'lim maktabi o'quvchi va xodimlari ishtirokida Adliya vazirining 2025-yil 26-noyabrdagi 443-um-sonli buyrug'iga asosan “Bolalar va yoshlarning huquqlarini himoya qilish” huquqiy aksiyasi doirasida davra suhbati tashkil etilib, o'quvchilar uchun bolalarga nisbatan zo‘ravonlik holatlarini oldini olish, bolalar bullingini aniqlash va uni oldini olish yuzasidan huquqiy tushuntirishlar berildi.