Bog'lanish

Telefon
(+998 55) 701-00-55

Elektron manzil
samarqand@adliya.uz

Habarni yuborish
Ishonch telefoni 1008

Yangiliklar

13
Мустақиллик солномаси 35 йил ҳуқуқ билан

Мустақиллик: шонли 35 йил, 2001 йилда амалга оширилган айрим муҳим ишлар.

13
Fuqarolar murojaati o'rganilmoqda

Samarqand viloyat adliya boshqarmasi boshlig‘i o'rinbosari M.Kurbanov tomonidan Urgut tumani "Istiqlol" mahallasida sayyor qabul o'tkazildi.

Dastlab 2026-yil 5-yanvardagi PQ-1-son qaror ijrosi yuzasidan adliya bo'limi tomonidan amalga oshirilayotgaan ishlar tahlil qilinib, mas'ullariga hamda mahalla yettiligiga tegishli ko'rsatmalar berildi.

Sayyor qabul davomida 30 nafarga yaqin fuqarolar ishtirok etdi. Shundan 9 nafar fuqarolarning turli masaladagi murojaatlari bo‘yicha huquqiy tushuntirishlar berildi hamda 3 ta muammo joyida hal etildi. 10 ta murojaat qo‘shimcha o‘rganish uchun ish yurituviga olindi.

13
“Adliya ayoli – 2026” tanlovining Samarqand vioyat bosqichi bo‘lib o‘tdi!

Adliya vazirligi tashabbusi bilan har yili an’anaviy tarzda o‘tkazilayotgan “Adliya ayoli” tanlovining viloyat bosqichi bo‘lib o‘tdi. Unda adliya tizimida faoliyat yuritayotgan malakali xodimlar ishtirok etib, belgilangan ikki shart asosida o‘zaro bellashdilar.

Tanlovning birinchi sharti — test sinovi bo‘lib, ishtirokchilarning huquqiy savodxonligi va amaldagi qonunchilikni bilish darajasi sinovdan o‘tkazildi. Ular 30 daqiqa ichida 30 ta test savoliga javob berishlari talab etildi.

Ikkinchi shartda esa ishtirokchilar qonunchilikka oid dolzarb takliflarini taqdim etib, ularni asoslab himoya qildilar.
Tanlov yakunida eng yaxshi natijani ko‘rsatgan Kattaqo'rg'on tuman adliya bo'limi FXDY bo'limi mudirasi N.Bobosherova 1-o‘rinni egallab, tanlovning respublika bosqichiga yo‘llanma oldi.

12
Мустақиллик солномаси 35 йил ҳуқуқ билан

Мустақиллик: шонли 35 йил, 1999 йилда амалга оширилган айрим муҳим ишлар.

12
“Inson va qonun” gazetasi

“Inson va qonun” gazetasining 2026-yil 11-avgustdagi navbatdagi sonida viloyat adliya boshqarmasi mas’ul xodimi N.Fayziyevaning “Raqamli ta’qibga qarshi huquqiy himoya zarur” sarlavhali maqolasi chop etildi.

Mazkur maqolada raqamli muhitda yuzaga kelayotgan ta’qib holatlaridan himoyalanish, fuqarolarning huquq va qonuniy manfaatlarini ta’minlash hamda bu boradagi huquqiy himoya mexanizmlari haqida so‘z yuritilgan.

11
Mustaqilligimizning 35 yilligi — yuksalish, taraqqiyot va milliy g’urur timsoli!

Bu nafaqat bosib o’tilgan yo’lga sarhisob, balki Yangi O’zbekistonning buyuk kelajagi sari tashlangan navbatdagi qat’iy qadamdir.

Yagona Vatan, yagona xalq bo’lib, yangi hayot va kelajak yaratamiz!

11
Мустақиллик солномаси 35 йил ҳуқуқ билан

Мустақиллик: шонли 35 йил, 1998 йилда амалга оширилган айрим муҳим ишлар.

10
“To‘lovga qobiliyatsizlik to‘g‘risida”gi qonun ijrosi bo‘yicha o‘zaro hamkorlik muhokamasi.

Viloyati adliya boshqarmasida Samarqand tumanlararo iqtisodiy sudi hamkorligida Prezidentimizning 2026-yil 6-maydagi PF–78-son Farmoni va PQ–172-son Qarori mazmun-mohiyatiga bag‘ishlangan seminar o‘tkazildi.

Unda Samarqand tumanlararo iqtisodiy sudi sudyalari, Adliya vazirligi huzuridagi to‘lovga qobiliyatsizlik ishlari agentligining Samarqand viloyat hududiy bo‘limi xodimlari, sud boshqaruvchilari, shuningdek, boshqa manfaatdor idoralar vakillari va mas’ul xodimlar ishtirok etdi.

Seminar davomida mazkur hujjatlarning to‘lovga qobiliyatsizlik sohasidagi davlat boshqaruvini takomillashtirish, tadbirkorlarning huquq va qonuniy manfaatlarini himoya qilish hamda muammoli korxonalarni sog‘lomlashtirishdagi ahamiyati atroflicha tushuntirildi.

10
Samarqand viloyat adliya boshqarmasi boshlig'i o'rinosari Sh.Abduxalimov tomonidan sayyor qabul o‘tkaziladi.

Hurmatli fuqarolar!

Aholini qiynab kelayotgan muammolarni o‘rganish, murojaatlarni joyida ko‘rib chiqish hamda ularga amaliy yechim topish maqsadida viloyat adliya boshqarmasi boshlig‘i o'rinbosari Sh.Abduxalimov tomonidan navbatdagi sayyor qabul o‘tkaziladi.

Sana: 2026-yil 14-avgust
Vaqti: 10:00
Manzil: Payariq tumani, “Xalqobod” MFY
Mo‘ljal: mahalla binosi

Ma’lumot uchun:
+998 55 701 00 55

07
Samarqand viloyatida xususiy amaliyot bilan shug‘ullanuvchi notariuslar uchun seminar o‘tkazildi.

O‘zbekiston Respublikasi Vazirlar Mahkamasining 2020-yil 18-noyabrdagi 726-son qarori bilan tasdiqlangan "Notariuslar tomonidan ayrim notarial harakatlarni amalga oshirish tartibi to‘g‘risidagi ma’muriy reglamentlar" ijrosini ta’minlash hamda amaliyotda yagona yondashuvni shakllantirish maqsadida joriy yilning 7-avgust kuni Samarqand viloyati adliya boshqarmasi tomonidan xususiy amaliyot bilan shug‘ullanuvchi notariuslar ishtirokida "Zoom" platformasi orqali seminar tashkil etildi.
Seminarda to‘lov majburiyatlarini kechiktirish sharti bilan tuziladigan ko‘chmas mulk va avtomototransport vositalari oldi-sotdi shartnomalarini rasmiylashtirish tartibi yuzasidan amaldagi qonunchilik talablari atroflicha tushuntirildi.