Yangiliklar

    Samarqand viloyat adliya boshqarmasi 27-iyun — OAV xodimlari kuni munosabati bilan ommaviy axborot vositalari vakillarini taqdirladi.

    Tadbirda OAVning dolzarb masalalarni xolis yoritish va davlat organlari faoliyatining ochiqligini ta’minlashdagi hissasi alohida e’tirof etildi.

    Viloyat adliya boshqarmasi boshlig‘i S.Sattarov OAV vakillarini kasb bayrami bilan tabriklab, adliya organlari va OAV hamkorligining qonun ustuvorligi, huquqiy madaniyat va ishonchli axborotda muhimligini ta’kidladi. 

      Davlatimiz rahbari tashabbusi bilan joriy etilgan “Yoshlar kuni” doirasida Samarqand tuman texnikumida yoshlar bilan ochiq muloqot tashkil etildi.

      Uchrashuv davomida yoshlarga yaratilayotgan imkoniyatlar, ularning huquq va qonuniy manfaatlarini himoya qilish, ta’lim, bandlik hamda tadbirkorlikni qo‘llab-quvvatlash borasida amalga oshirilayotgan ishlar haqida ma’lumotlar berildi.

      Muloqot jarayonida yoshlarning taklif va tashabbuslari tinglanib, ularni qiziqtirgan savollarga javoblar berildi hamda huquqiy savodxonlikni oshirish masalalariga alohida e’tibor qaratildi.

    Joriy yilning 25-iyun kuni Urgut tuman Axborot-resurs markazida yoshlarning huquqiy bilim va ko‘nikmalarini mustahkamlash, huquqiy madaniyatini yuksaltirish maqsadida "Rahbar va yoshlar uchrashuvi" doirasida ma’naviy-ma’rifiy tadbir tashkil etildi.
    Urgut tuman adliya bo‘limi tashabbusi bilan “Mening qonunim – mening taqdirim” ko‘rik-tanlovi bo‘lib o‘tdi.
    Tanlovda tuman umumta’lim maktablarining iqtidorli va faol o‘quvchilaridan iborat jamoalar ishtirok etib, o‘zlarining huquqiy bilimlari hamda intellektual salohiyatlarini namoyish etdilar.
    Qizg‘in va murosasiz bahslar yakuniga ko‘ra:

1-o‘rin — 35-maktabning “Generalist” jamoasi;
2-o‘rin — 128-maktabning “Adolat” jamoasi;
3-o‘rin — 36-maktabning “Yuristlar” jamoasi g‘olib deb topildi.

G‘olib va sovrindor jamoalar tashkilotchilar tomonidan I, II va III darajali diplomlar hamda esdalik sovg‘alari bilan taqdirlandi.

     Samarqand viloyati arxiv ishi hududiy boshqarmasida viloyatdagi shahar va tuman davlat arxivlari rahbar hamda xodimlari ishtirokida korrupsiyaga qarshi kurashish, korrupsiyaning oldini olish va unga nisbatan murosasiz munosabatni shakllantirish masalalariga bag‘ishlangan o‘quv seminari tashkil etildi.

     Seminarda Samarqand viloyat adliya boshqarmasi Huquqiy axborot shu‘basi boshlig‘i A. Kuylanov hamda Huquqiy axborot shu‘basi bosh maslahatchisi N. Fayziyeva ma’ruzalari bilan ishtirok etib, korrupsiyaga qarshi kurashish sohasidagi amaldagi qonunchilik, korrupsiyaviy xavf-xatarlarni aniqlash va bartaraf etish, davlat organlarida ochiqlik va shaffoflikni ta’minlash hamda xodimlarning huquqiy madaniyatini yuksaltirish masalalari yuzasidan batafsil ma’lumot berdilar.

Hurmatli fuqarolar!

Aholini qiynab kelayotgan muammolarni o‘rganish, murojaatlarni joyida ko‘rib chiqish hamda ularga amaliy yechim topish maqsadida viloyat adliya boshqarmasi boshlig‘i S.Sattarov tomonidan navbatdagi sayyor qabul o‘tkaziladi.

Sana: 2026-yil 29-iyun
Vaqti: 16:00
Manzil: Samarqand shahri, “Obod maskan” MFY
Mo‘ljal: “Obod maskan” mahalla fuqarolar yig‘ini binosi

Ma’lumot uchun:
+998 55 701 00 55

    Samarqand viloyat adliya boshqarmasi boshlig‘ining birinchi o'rinbosari O.Shodikulov tomonidan Kattaqo‘rg‘on tumani "Mullako‘rpa" mahallasida navbatdagi sayyor qabul tashkil etildi.
    Sayyor qabul davomida fuqarolarga PQ-1-son qarori ijrosi yuzasidan jinoyatchilikning oldini olish, kiberjinoyatchilikka qarshi kurashish hamda mahallalarda xavfsiz muhit yaratish borasida tushuntirish ishlari olib borildi.
    Qabulda 20 nafardan ortiq fuqarolar ishtirok etib, ular tomonidan bildirilgan murojaatlar va takliflar atroflicha o‘rganildi. Jumladan, 5 nafar fuqaroning murojaati joyida ijobiy hal etildi.
    Shuningdek, 10 ga yaqin murojaat tegishli tartibda rasmiylashtirilib, ijrosi yuzasidan mas’ullarga yo‘naltirildi.
    Bunday sayyor qabullar aholi muammolarini o‘rganish, ularni tezkor hal etish hamda fuqarolar bilan ochiq muloqotni yo‘lga qo‘yishda muhim ahamiyat kasb etmoqda.

     Bugun Zarafshon mahallasida “Ayollar daftari”ning huquqiy yordamga muhtoj toifasiga kiritilgan xotin-qizlar uchun huquqiy targ‘ibot seminari o‘tkazildi.

     Seminarda tuman hokimi o‘rinbosari Y.O‘roqova, tuman prokurori yordamchisi, tuman IIB xotin-qizlar masalalari bo‘yicha katta inspektori hamda tuman adliya bo‘limi xodimlari ishtirok etdi.

     Tadbir davomida xotin-qizlarning huquq va manfaatlarini himoya qilish, ijtimoiy himoya masalalari hamda amaldagi qonunchilikdagi yangiliklar yuzasidan batafsil ma’lumotlar berildi.

     Shuningdek, ishtirokchilarni qiziqtirgan savollarga mutaxassislar tomonidan huquqiy tushuntirishlar va amaliy tavsiyalar berildi.

     Seminar xotin-qizlarning huquqiy savodxonligini oshirish, ularning muammolarini o‘rganish va qonuniy yechim topishda ko‘maklashish maqsadida tashkil etildi.

      SamATIda “Huquqiy savodxonlik” tadbiri o‘tkazildi

      Samarqand agroinnovatsiyalar va tadqiqotlar institutida “Bolalar va yoshlarning huquqlarini himoya qilish” huquqiy aksiyasi doirasida “Huquqiy savodxonlik” mavzusida tadbir tashkil etildi.

      Tadbirda Samarqand viloyati adliya boshqarmasi mas’ul xodimi N. Ro‘ziyev ishtirok etib, yoshlarning huquq va erkinliklari, qonunchilikdagi so‘nggi yangiliklar hamda huquqiy madaniyatni yuksaltirish masalalari yuzasidan ma’ruza qildi.

      Tadbir davomida institut professor-o‘qituvchilari va talabalari faol ishtirok etib, mavzu doirasida o‘zlarini qiziqtirgan savollarga mutaxassisdan batafsil javob oldilar hamda huquqiy bilimlarini yanada mustahkamladilar.

    Mazkur sana davlat xizmatining jamiyat taraqqiyotidagi o‘rni va ahamiyatini e’tirof etish, davlat xizmatchilarining mas’uliyatli mehnatini keng targ‘ib qilish hamda samarali, ochiq va fuqarolarga yo‘naltirilgan davlat boshqaruvi tamoyillarini rivojlantirishga xizmat qiladi.
    Adliya organlari faoliyati ham qonun ustuvorligini ta’minlash, aholining huquqiy savodxonligini oshirish, fuqarolarning huquq va erkinliklarini himoya qilish hamda davlat xizmatlari sifatini yuksaltirishga qaratilgan muhim vazifalarni o‘z ichiga oladi.

      O‘zbekiston Respublikasi Adliya vazirligi markaziy apparati boshqarma boshliqlari hamda hududiy adliya organlari rahbarlarining o‘rinbosarlari uchun tashkil etilgan “Kasbiy rivojlanish kompetensiyalarini oshirishga qaratilgan qisqa muddatli malaka oshirish” kurslarining 3-guruhi o‘quv mashg‘ulotlarini muvaffaqiyatli yakunladi.

      Kurs davomida tinglovchilar zamonaviy boshqaruv, liderlik, strategik rejalashtirish, samarali muloqot hamda kasbiy faoliyatni yanada takomillashtirishga qaratilgan bilim va ko‘nikmalarini mustahkamladilar.

      O‘quv mashg‘ulotlar yakunida kurs dasturini muvaffaqiyatli tamomlagan tinglovchilarga sertifikatlar topshirildi.