Yangiliklar

Samarqandda adliya bo'limining ko'magi bilan fuqaroning  37 yillik muammosi ijobiy hal qilindi.

Payariq tuman adliya bo‘limiga “Ko‘lto‘sin” mahallasida yashovchi fuqaro N.K ariza bilan murojaat qilib, onasi N.G. ning fuqarolik masalasi yuzasidan yashab kelganlik faktini belgilashda amaliy yordam so‘ragan.

Murojaatni o‘rganish davomida, uning onasi N.G Qirg‘iziston Respublikasi fuqarosi ekanligi, 1988-yildan buyon O‘zbekiston Respublikasida turmushga chiqib, Payariq tumani “Ko‘lto‘sin” mahallasida doimiy yashab kelganligi, chekka hududda yashaganligi va e'tiborsizligi sababli O‘zbekiston Respublikasi fuqaroligi pasportini olish masalasi qolib ketganligi aniqlangan.

Mazkur murojaat asosida tuman adliya bo‘limi tomonidan N.Gning manfaatini ko‘zlab, O‘zbekiston Respublikasida yashab kelganlik faktini belgilash bo‘yicha zarur hujjatlar to‘planib, Fuqarolik protsessual kodeksining 293-moddasiga asosan Fuqarolik ishlari bo‘yicha Payariq tumanlararo sudiga ariza kiritildi.

Ariza Fuqarolik ishlari bo‘yicha Payariq tumanlararo sudi tomonidan 2025-yil 18-noyabr kuni ko‘rib chiqilib, tegishli hal qiluv qarori bilan qanoatlantirildi, natijada, fuqaro N.G.ning murojaati  ijobiy hal etildi.

Samarqand viloyat adliya boshqarmasida uning tizimidagi barcha xodimlar uchun aholi va qishloq xo‘jaligini ro‘yxatga olish tadbiri doirasida onlayn ro‘yxatdan o‘tish masalasiga bag‘ishlangan o‘quv seminari tashkil etildi.

Mazkur seminar Samarqand viloyati statistika boshqarmasi mutaxassislari ishtirokida ZOOM platformasi orqali o‘tkazildi. Unda census.stat.uz rasmiy veb-sayti orqali OneID tizimi yordamida onlayn ro‘yxatdan o‘tish tartibi, uning afzalliklari hamda amaliy jihatlari atroflicha tushuntirildi.

Seminar davomida ishtirokchilarning savollariga mutaxassislar tomonidan batafsil javoblar berildi.

Bunday o‘quv tadbirlari xodimlarning bilim va ko‘nikmalarini oshirish, shuningdek, ro‘yxatga olish jarayonida faol ishtirok etishlariga xizmat qiladi.

2025 йил 15 январь куни соат 00:00 дан Ўзбекистон Республикасида аҳоли ва қишлоқ хўжалигини рўйхатга олиш тадбирининг биринчи босқичи расман бошланди.

Мазкур босқич доирасида 17 кун давомида фуқаролар census.stat.uz расмий веб-сайти орқали OneID тизими ёрдамида онлайн рўйхатдан ўтишлари мумкин.

14-yanvar - O‘zbekiston Qurolli Kuchlari tashkil etilganining 34 yilligi va Vatan himoyachilari kuni munosabati bilan Samarqand viloyat adliya boshqarmasida bayram tadbiri o'tkazildi. 

Boshqarma xotin-qizlar jamoasi harbiy marsh va jo'shqin musiqa sadolari ostida hamkasb yigitlarni qarshi olib, samimiy dil izhorlarini bildirishdi, bayram tabrigi va ezgu tilaklar yo'llashdi. 

Yangi ish kuni buhun adliyada ana shunday bayramona kayfiyatda boshlandi.

Yurtimizning barcha mard va jasur o'g'lonlarini O‘zbekiston Qurolli Kuchlari tashkil etilganining shonli 34 yilligi va Vatan himoyachilari kuni bilan samimiy tabriklab, mustahkam sog‘lik, oilaviy baxt-saodat, tinchlik va farovonlik tilaymiz. Kuch-g‘ayratingiz, sha’nu sharafingiz yanada ziyoda bo‘lsin!

Tadbir “O‘zkomnazorat” Inspeksiyasi Samarqand viloyat hududiy shu’basi hamda huquqni muhofaza qiluvchi organlar bilan hamkorlikda o‘tkazildi.
Seminarda ishtirokchilarga “Kiberxavfsizlik to‘g‘risida”gi qonun, Prezident farmon va qarorlari, Vazirlar Mahkamasi hujjatlari hamda axborot tizimlari va kompyuter qurilmalaridan xavfsiz foydalanish bo‘yicha amaldagi normativ-huquqiy hujjatlar mazmuni tushuntirildi.
Shuningdek, “O‘zkomnazorat” Inspeksiyasi viloyat hududiy shu’basi bosh mutaxassisi Xisrav Kamarov tomonidan axborot xavfsizligini ta’minlash, kiberhujumlarning oldini olish, mavjud tahdid va zaifliklarni kamaytirish bo‘yicha muhim ma’lumotlar taqdim etildi. Tadbir davomida axborot xavfsizligi va kiberxavfsizlikka oid asosiy tushunchalar, dolzarb muammolar va ularning yechimlari muhokama qilindi.

Navkat mahallasida faoliyat yuritayotgan “Farovonlik” markazida xorijiy tillarni o‘rganayotgan yoshlar uchun samarali va innovatsion loyiha amalga oshirilmoqda. Samarqandning boy madaniy merosi bilan tanishish orqali amaliy tarjimonlik ko‘nikmalari bilan mustahkamlanmoqda.

Amaliy mashg‘ulotlar Samarqand shahridagi tarixiy obidalarda tashkil etilib, o‘quvchilar real ekskursiya jarayonida o‘z bilimlarini sinovdan o‘tkazmoqda.

Loyihaning asosiy vazifalari:
-Tarixiy obidalarning kelib chiqishi, madaniy va tarixiy ahamiyati haqida chuqur bilim berish
-Tarjimonlik faoliyati uchun zarur bo‘lgan maxsus lug‘at va terminlarni o‘rgatish
-Yoshlarni tajribali gid-tarjimonlar bilan amaliy mashg‘ulotlarga jalb etish

Ushbu loyiha yoshlarning xorijiy tillarni chuqur o‘zlashtirishiga, turizm va tarjimonlik sohasiga bo‘lgan qiziqishini oshirishga hamda kelajakda malakali mutaxassis bo‘lib yetishishiga xizmat qilmoqda.

Navkat mahallasida tashkil etilgan “Farovonlik markazi” tikuvchilik bo‘limi xodimalari Samarqand shahrida joylashgan “AFROSIYOB JEANS TEKSTIL” MCHJ faoliyati bilan yaqindan tanishish hamda tajriba almashish maqsadida tashrif buyurishdi.

Tashrif davomida korxonadagi zamonaviy ishlab chiqarish jarayonlari, tikuvchilikda qo‘llanilayotgan yangi texnologiyalar hamda ishni samarali tashkil etish bo‘yicha amaliy tajribalar o‘rganildi. Uchrashuv o‘zaro fikr almashish, kasbiy bilim va ko‘nikmalarni oshirish uchun muhim ahamiyat kasb etdi.

Bunday hamkorlik tashabbuslari kelgusida ayollar bandligini ta’minlash va mahallalarda kichik ishlab chiqarishni rivojlantirishga xizmat qiladi.

IT sohasiga bo‘lgan e’tibor tobora ortib borar ekan, yoshlar uchun keng imkoniyatlar yaratilmoqda.
Jumladan, Qo‘shrabot tumani “Navkat” MFYdagi “Farovonlik” markazida IT yo‘nalishida tahsil olayotgan yoshlar ishtirokida Samarqand shahridagi “School 21” IT maktabiga o‘quv-tanishuv ekskursiyasi tashkil etildi.
Ekskursiya davomida yoshlar maktabdagi o‘quv jarayoni, ta’lim tizimi hamda yaratilgan zamonaviy shart-sharoitlar bilan yaqindan tanishdilar.
Shuningdek, maktab mas’ullari tomonidan IT sohasida noldan boshlab beriladigan bilim va ko‘nikmalar, ta’lim tartibi, shakli va o‘qitish jarayoni haqida batafsil ma’lumot berildi.
Bunday tashabbuslar yoshlarning bilim va salohiyatini oshirish, ularni zamonaviy kasblarga yo‘naltirishda muhim ahamiyat kasb etadi.

Adliya vazirligining bevosita ko‘magida bunyod etilgan Qo‘shrabot tumani “Navqat” MFYdagi “Farovonlik” markazida IT yo‘nalishida tahsil olayotgan yoshlar tuman adliya bo'limi bilan hamkorlikda Samarkand KOICA Vocational Training Centerga o‘quv-tanishuv ekskursiyasida ishtirok etdilar.

Ekskursiya davomida o‘quvchilar:
-zamonaviy robototexnika laboratoriyalari bilan tanishdilar
-IT bilimlarining amaliyotda qo‘llanilishini ko‘rdilar
-soha mutaxassislari bilan uchrashib, foydali tajriba orttirdilar

Bu tashrif yoshларда innovatsiya, muhandislik va texnologiyalarga bo‘lgan qiziqishni oshirishga xizmat qildi hamda kelajak kasb tanlovi uchun mustahkam asos yaratdi.
-Shuningdek, “Farovonlik” markazi va Samarkand KOICA Vocational Training Center o‘rtasida kelgusida hamkorlikni yo‘lga qo‘yish bo‘yicha kelishuvlarga erishildi.

"Kelajak uchun" istiqbolli tashabbuslar forumi

Forumning maqsadi – soha va hududlarni rivojlantirishga aholini jalb etish, tashabbuslarini yuzaga chiqarish, islohotlarning xalqchilligini taʼminlash

Yo‘nalishingizni belgilab, kuchli g‘oyalaringizni taqdim eting — jamiyat taraqqiyotiga munosib hissa qo‘shing.

https://kelajakuchun.gov.uz/

https://youtu.be/XUuOxayDdIg

Samarqand viloyat adliya boshqarmasi