Янгиликлар

Ёшларни ҳарбий ватанпарварлик руҳида тарбиялаш.

  Ўзбекистон Миллий Гвардияси, 69932 ва 98149 ҳарбий қисмлари, туман адлия бўлими, туман Халқ таълими бўлими, Ўзбекистон Ёшлар иттифоқи туман кенгаши билан биргаликда Тойлоқ Агротадбиркорлик касб-ҳунар коллежида ҳарбий хизматчилар, ўқувчи ёшлар ва ўқитувчи ходимдар иштирокида ҳуқуқий тарғибот тадбири ташкил қилинди.
Тадбирда “Буюк аждодларимиз мероси ва уларнинг ҳарбий саънатни ривожлантиришга қўшган ҳиссаси” мавзусида викторина ўтказилди. Тайлоқ туман адлия бўлими томонидан иштирокчиларга Ўзбекистон Республикасининг Қуролли Кучлар, Коррупцияга қарши курашиш, ташқи меҳнат миграция тизими юзасидан қонун-ҳужжатлари мазмун-моҳияти юзасидан тушунтиришлар берилди. 
Тарғибот тадбири давомида иштирокчилар томонидан ўзларини қизиқтирган муаммолар юзасидан берилган саволларга атрофлича жавоблар берилди. Ўтказилган викторина натижаси бўйича ғолиб жамоаларга ташаккурномалар топширилди.