OZARBAYJON “OSON XIZMAT” VAKILI SAMARQAND SHAHAR DXM FAOLIYATI BILAN TANISHDI
ОЗАРБАЙЖОН “ОСОН ХИЗМАТ” ВАКИЛИ САМАРҚАНД ШАҲАР ДХМ ФАОЛИЯТИ БИЛАН ТАНИШДИ
Озарбайжон Президенти ҳузуридаги Фуқароларга хизмат кўрсатиш ва ижтимоий инновациялар давлат агентлиги (ASAN Хidmet) вакили Абдул Алиев Cамарқанд шаҳар Давлат хизматлари марказида бўлди.
Самарқанд вилоят адлия бошқармаси бошлиғи ўринбосари М.Қурбонов меҳмонга марказ иш фаолияти билан таништириб, мамлакатимизда аҳолига давлат хизматлари кўрсатиш тизими ва унинг афзалликлари, бугунги кунда бу борада амалиётга татбиқ этилаётган ислоҳотлар тўғрисида маълумот берди. А.Алиев марказ фаолиятини юксак баҳолади ҳамда бу ерда фуқароларга яратилган қулайликлар, хизмат кўрсатиш сифатини эътироф этди.— Озарбайжонда ҳам сиздаги каби давлат хизматини кўрсатишга ихтисослашган марказлар фаолият юритади, — дейди А.Алиев. — Бу борада Ўзбекистон, таъбир жоиз бўлса Самарқанд тажрибаси менда катта таассурот қолдирди. Биз мамлакатингиз билан айнан мазкур соҳада ҳамкорликни йўлга қўйганмиз. Шунга биноан кўплаб лойиҳалар орқали тажриба алмашиб келаяпмиз. Очиғини, айтишим керак, Ўзбекистон бу йўналишда хориж тажрибасини ўрганиб ишни йўлга қўйган бўлса-да, анча илғорлаб кетган. Бунга Самарқанд мисолида на бир бор амин бўлдим.
Ўзаро мулоқотлар жараёнида қулай, шаффоф ва сифатли хизматни янада ривожлантириш соҳасида ўзаро тажриба алмашиш, инновацион ёндашувлар, ходимлар ўртасида малака ошириш тизимини йўлга қўйиш, ҳужжатлар ва шахсий маълумотларни рақамлаштириш ва бошқа масалаларда ҳамкорликни кенгайтириш масалалари муҳокама этилди.
Маълумот учун, Озарбайжон Республикаси Президенти ҳузуридаги Фуқароларга хизмат кўрсатиш ва ижтимоий инновациялар давлат агентлиги тизимида бугун 20 та “ASAN-XIDMET” марказлари, 10 та “ASAN-Bus”, 1 та “ASAN-Train” ва 2 та “ASAN-Kommunal” маркази халқ хизматида. Ушбу марказлар фаолияти йўлган қўйилганига 10 йилдан ортиқ вақт бўлди. Ҳар бир марказда фукароларга хизмат курсатиш билан бирга, Call-марказ, ASAN-Radio, ўқув маркази, ситиуацион марказ жойлашган.
