Янгиликлар

Тадбиркорлар учун янгилик...

Жорий йилнинг 7 июль куни Вазирлар Маҳкамасининг 279-сон қарори билан “20 минг тадбиркор – 500 минг малакали мутахассис” дастури доирасида тадбиркорлик субъектларига солиқ ва божхона имтиёзлари ҳамда преференцияларни қўллаш тартиби тўғрисида”ги низом қабул қилинди
Ушбу низомга кўра, “Ижтимоий ҳимоя ягона реестри”га киритилган фуқаролар камида 1 йил давомида иш билан таъминланган ва улар жами ишчилар сонининг камида 20 фоизини ташкил этган тадбиркорлар мол-мулк ва ер солиғи бўйича солиқ имтиёзларидан фойдаланиш ҳуқуқига эга бўлади, бунда:
51 тадан 100 тагача янги иш ўринлари яратадиган тадбиркорлар учун мол-мулк ва ер солиғининг амалдаги солиқ ставкаси 50 фоизга;
101 тадан 200 тагача янги иш ўрни яратадиганлар учун 75 фоизга камайтирилади;
200 тадан ортиқ иш ўринлари яратадиганлар мазкур солиқларни тўлашдан озод этилади.
Дастурда иштирок этадиган 51 тадан 100 тагача янги иш ўрни яратадиган тадбиркорларга – 3 ой муддатда, 101 тадан 200 тагача янги иш ўрни яратадиган тадбиркорларга – 6 ой муддатда, 200 тадан ортиқ янги иш ўрни яратадиган тадбиркорларга – 12 ой муддатда барча солиқларни (ҚҚС ва солиқ агентлари сифатида тўланадиган солиқлар бундан мустасно) таъминотсиз ва фоизсиз бўлиб тўлаш ҳуқуқи берилади.
Шунингдек 51 тадан 200 тагача янги иш ўрни яратадиган тадбиркорларда солиқ аудити, 200 тадан ортиқ янги иш ўрни яратадиган тадбиркорларда барча турдаги солиқ текширувлари ўтказилмайди.
“20 минг тадбиркор – 500 минг малакали мутахассис” дастурига киритилган тадбиркорлар томонидан божхона тартиб-таомилларига риоя этилган ҳолатларда уларга нисбатан “яшил йўлак” тартиби қўлланилади.
51 тадан 100 тагача янги иш ўрни яратадиган тадбиркорларга – 3 ой муддатда, 101 тадан 200 тагача янги иш ўрни яратадиган тадбиркорларга – 6 ой муддатга, 200 тадан ортиқ янги иш ўрни яратадиган тадбиркорларга – 12 ой муддатга божхона тўловларини таъминотсиз ва фоизсиз муддатларга бўлиб тўлаш ҳуқуқи берилади.