Янгиликлар
05
#Kontrafaktsiz_oy
Adliya vazirligi, viloyat adliya boshqarmasi hamda “Intellektual mulk markazi” davlat muassasasi xodimlari tomonidan Samarqand shahrida intellektual mulk sohasini rivojlantirish, aholi va tadbirkorlarning murojaatlarini ko‘rib chiqish maqsadida sayyor qabul oʻtkazildi.
Sayyor qabul jarayonida, sohaga oid amaliyotlarni takomillashtirish va qonunchilikka kiritilgan o‘zgartirishlar hamda qo‘shimchalar muhokama qilinib, tadbirkorlar, manfaatdor shaxslar, mualliflar va hammualliflar tomonidan berilgan savollarga batafsil javob berildi.
Shu bilan birga, tadbirkorlarga o‘z mahsulotlariga intellektual mulk huquqlarini himoya qilish uchun 30 dan ortiq muhofaza hujjatlarini olishda amaliy yordam ko‘rsatildi.
Tadbir davomida, intellektual mulk obyektlarini samarali himoya qilish va ularning muhofazasini ta’minlashga oid mexanizmlar to‘g‘risida tushuntirishlar berildi.