Янгиликлар
06
#Adliya_munosabat
➖Bugun ijtimoiy tarmoqlarda Samarqand shahar davlat xizmatlari markazi tomonidan ortiqcha va asossiz toʻlov undirilganligi yuzasidan tarqalgan xabarlarga nisbatan Samarqand viloyat adliya boshqarmasi tomonidan quyidagilar ma’lum qilinadi.
➖Jumladan, fuqaro haydovchilik guvohnomasini olishga kelib navbatda turgan boʻlsa-da, Davlat xizmatlari mas’ul xodimi tomonidan texnik xatolikka yoʻl qoʻyilgan holda navbatsiz xizmat koʻrsatilganligi uchun invoys shakllantirilgan va ushbu invoys asosida toʻlov amalga oshirilgan.
➖Adliya vazirining 2024-yil 10-oktyabrdagi tegishli buyrug‘iga asosan ko‘rsatilayotgan xizmat turlari bo‘yicha ortiqcha yoki noto‘g‘ri to‘langan to‘lovlar Davlat xizmatlari markazlari orqali ixtiyoriy muddatlarda fuqarolarning murojaatlari asosida belgilangan tartibda qaytarib berilishi, shuningdek yuqoridagi kabi xatolikka yoʻl qoʻyilmasligi uchun xodimlarga xizmat koʻrsatish jarayonida mas’uliyatini yanada oshirish yuzasidan tushuntirish ishlari olib borilganligi ma’lum qilinadi.
Ma’umot uchun, Adliya vazirining 2024-yil 24-sentyabrdagi 314-um-son buyrug‘iga asosan navbatsiz xizmat ko‘rsatish hamda fuqarolarga, ularning ixtiyoriga koʻra, navbatsiz xizmat ko‘rsatilganligi uchun belgilangan miqdorda qo‘shimcha to‘lov undirish tartibi joriy qilingan.