Янгиликлар
01
Oila qurish ostonasidagi yoshlarga hayotiy saboqlar berildi
#adliya_yoshlar
Oila qurish ostonasidagi yoshlarga hayotiy saboqlar berildi
Bugungi kunda turmush qurayotgan yigit-qizlarni oilaviy hayotga tayyorlash, ularni huquqiy, ma’naviy-ma’rifiy hamda psixologik jihatdan yetuk va ongli qaror egalariga aylantirish katta ahamiyat kasb etmoqda.
Shu maqsadda,Oqdaryo tumanida “Yoshlarni oilaviy hayotga tayyorlash” mavzusida yosh juftliklar uchun muntazam ravishda qisqa muddatli o‘quv kurslari tashkil etib kelinmoqda.
Mazkur o‘quv mashg‘ulotlari orqali yosh nikohlanuvchilar turmush qurishdan oldin zarur bo‘lgan asosiy bilim va ko‘nikmalarni egallamoqda. Jumladan, ularga tibbiy madaniyat, sog‘lom nasl tarbiyasi, oilaviy munosabatlarda sabr-toqat, mehr-oqibat, hamjihatlikning o‘rni, oilaviy muammolarni tinch yo‘l bilan hal etish ko‘nikmalari, qonunchilik normalari, farzand tarbiyasi, shuningdek, oila muqaddasligi kabi dolzarb yo‘nalishlarda amaliy tushunchalar berilmoqda.