Янгиликлар
09
Onlayn o‘quv mashg‘uloti o‘tkazildi
Viloyat adliya boshqarmasida tadbirkorlik subyektlarini ro‘yxatdan o‘tkazish masalalari bo‘yicha onlayn o‘quv mashg‘uloti o‘tkazildi.
Viloyat adliya boshqarmasi tomonidan tuman (shahar) davlat xizmatlari markazlarida tadbirkorlik subyektlarini ro‘yxatdan va qayta ro‘yxatdan o‘tkazishga mas’ul etib biriktirilgan 53 nafar xodim uchun Zoom platformasi orqali onlayn o‘quv mashg‘uloti tashkil etildi.
Mashg‘ulotda “Mas’uliyati cheklangan jamiyatlar to‘g‘risida”gi Qonun, “Fermer xo‘jaligi to‘g‘risida”gi Qonun, shuningdek, Vazirlar Mahkamasining 2017 yil 9 fevraldagi 66-son qarori bilan tasdiqlangan “Tadbirkorlik subyektlarini davlat ro‘yxatidan o‘tkazish tartibi to‘g‘risida”gi Nizom va boshqa qonun hujjatlari mazmun-mohiyati yuzasidan atroflicha tushuntirishlar berildi.
Viloyat adliya boshqarmasi mas’ullari tomonidan amaliyotda uchrayotgan ayrim xato va kamchiliklar haqida ma’ruza qilindi. Tadbirning asosiy maqsadi — tuman (shahar) davlat xizmatlari markazlari tomonidan aholi va tadbirkorlik subyektlariga davlat xizmatlarini ko‘rsatishda qonunlarni bir xilda va to‘g‘ri qo‘llash amaliyotini yo‘lga qo‘yishdan iborat.
O‘quv mashg‘uloti jarayonida ishtirokchilar faol ishtirok etib, savollar berishdi, fikr almashishdi va takliflar ilgari surildi.
✈️ Kanalga ulanish:????https://t.me/qonun_va_huquq