Yangiliklar

 Kattaqo'rg'on shahar Madaniyat saroyida 7-bosqich “Ayollar daftari”ga kiritilgan xotin-qizlar bilan ochiq muloqot tashkil etildi. Unda shahar hokimi G.Alimova, hokim o‘rinbosari, oila va xotin-qizlar bo‘limi boshlig‘i Sh.Kuchkarova, shahar Adliya bo‘limi boshlig‘i A.Tilavov, shahar IIB JXX xotin-qizlar masalalari bo‘yicha katta inspektor leytenant N.Radjapova ishtirok etib, xotin-qizlarning huquqiy sohadagi murojaat va takliflarini tingladilar.
 Muloqot davomida 50 nafarga yaqin xotin-qizning ijtimoiy, huquqiy va maishiy muammolari atroflicha o‘rganildi. Ishtirokchilarga huquqiy tushuntirishlar berilib, ularni qiynayotgan masalalarni ijobiy hal etish yuzasidan tegishli chora-tadbirlar belgilab olindi.
Bunday ochiq muloqotlar aholining, ayniqsa xotin-qizlarning muammolarini o‘z vaqtida aniqlash, ularning huquq va manfaatlarini himoya qilish hamda ijtimoiy qo‘llab-quvvatlashni kuchaytirishda muhim ahamiyat kasb etmoqda.

Samarqand tuman, “O‘zbekkenti” mahallasida yashovchi fuqaro Q.A Samarqand viloyati Ekologiya va iqlim o‘zgarishi bosh boshqarmasida ishlab kelib, noqonuniy ishdan bo'shatilganligi sababli ishga tiklash hamda majburiy progul vaqt uchun ish haqi undirish yuzasidan viloyat adliya boshqarmasiga murojaat qildi.

Fuqaro murojaati o'rganib chiqilib, fuqaroning buzilgan huquqlarini tiklash maqsadida boshqarma tomonidan Fuqarolik ishlari bo'yisha Samarqand shahar sudga da’vo arizasi kiritildi.

Natijada, Sudning hal qiluv qaroriga asosan Q.Ani ishga tiklash hamda fuqaro foydasiga 44 548 668 so'm miqdorida ish haqi undirilishi belgilandi.

Bugun Nurobod tuman adliya bo‘limi hamda Oila va xotin-qizlar bo‘limi tashabbusi bilan sud, prokuratura, ichki ishlar organlari, Bandlik bo‘limi va "Inson" markazi mas'ul xodimlari ishtirokida 1-son umumiy o‘rta ta'lim maktabida sayyor qabul tashkil etildi.
Sayyor qabul davomida "Ayollar daftari"ga kiritilgan 5-toifadagi huquqiy yordamga muhtoj xotin-qizlar bilan ochiq muloqot o‘tkazilib, ularning murojaatlari qabul qilindi hamda huquqiy masalalar yuzasidan zarur tushuntirish va tavsiyalar berildi.
Shuningdek, ishtirokchilarga xotin-qizlar uchun qonunchilikda belgilangan imtiyoz va kafolatlar, ularning huquq hamda manfaatlarini himoya qilishga qaratilgan mexanizmlar, shuningdek, ayollarga nisbatan sodir etiladigan huquqbuzarlik va jinoyatlarning oldini olish bo‘yicha batafsil ma'lumotlar berildi.
Tadbir yakunida ishtirokchilarga huquqiy targ‘ibot materiallari tarqatilib, ularni qiziqtirgan savollarga mutasaddi tashkilotlar vakillari tomonidan atroflicha javoblar berildi.

Bugun Samarqand shahrida Yevropa Ittifoqining O‘zbekistondagi Delegatsiyasi Muvaqqat ishlar vakili Renata Vrobel xonim hamda BMT Taraqqiyot Dasturining O‘zbekistondagi Doimiy vakili Akiko Fujii xonim Adliya vazirligining Samarqand viloyati boshqarmasi va Davlat boshqaruvi samaradorligi agentligi vakillari bilan uchrashdi.

Viloyat adliya boshqarmasi boshlig‘i S.Sattarov Qo‘shrabot tumaniga tashrif buyurib, tuman hokimi D.Shakarboyev bilan birgalikda Navkat mahallasida tashkil etilgan “Farovonlik markazi” faoliyati bilan yaqindan tanishdi.

Tashrif davomida markazda aholiga yaratilgan shart-sharoitlar, ko‘rsatilayotgan xizmatlar, fuqarolar bandligini ta’minlash, tadbirkorlikni qo‘llab-quvvatlash hamda aholining ijtimoiy faolligini oshirish borasida amalga oshirilayotgan ishlar atroflicha ko‘zdan kechirildi.

Mas’ullar bilan o‘tkazilgan muloqot chog‘ida markaz faoliyati samaradorligini yanada oshirish, aholiga ko‘rsatilayotgan xizmatlar sifatini yaxshilash, qulayliklarni kengaytirish hamda mavjud imkoniyatlardan unumli foydalanish yuzasidan tegishli tavsiya va topshiriqlar berildi.

Shuningdek, tashrif davomida mahalla aholisi bilan ochiq muloqot o‘tkazilib, fuqarolarning taklif va murojaatlari tinglandi hamda ularni hal etish yuzasidan mutasaddilarga zarur ko‘rsatmalar berildi.

Shu bilan birga, Adliya vazirligi tashabbusi bilan barpo etilgan “Adliya bog‘i”da amalga oshirilayotgan obodonlashtirish va bunyodkorlik ishlari ham ko‘zdan kechirilib, loyiha doirasidagi ishlarning borishi yuzasidan mas’ullarga tegishli tavsiyalar bildirildi.

E-huquqshunos mobil ilovasi va mehnat qonunchiligi bo‘yicha targ‘ibot tadbiri o‘tkazildi

Bulung‘ur tuman adliya bo‘limi Yuridik xizmat ko‘rsatish markazi xodimlari tomonidan tuman 1-sonli maktabgacha ta'lim tashkiloti xodimlari ishtirokida targ‘ibot tadbiri o‘tkazildi.

Tadbir davomida ishtirokchilarga mehnat qonunchiligi, xodimlarning mehnat huquqlari va majburiyatlari, mehnat munosabatlarini qonuniy rasmiylashtirish tartiblari yuzasidan batafsil tushuntirishlar berildi.

Shuningdek, "E-huquqshunos" elektron tizimining mobil versiyasidan foydalanish imkoniyatlari haqida ma’lumot berilib, mazkur ilova orqali xodimlar ish beruvchiga elektron ariza yuborishi, o‘ziga nisbatan rasmiylashtirilgan buyruq loyihalari bilan tanishishi mumkinligi ta’kidlandi.

Uchrashuv yakunida ishtirokchilarni qiziqtirgan savollarga huquqiy tushuntirish va tavsiyalar berildi.

Samarqand viloyat adliya boshqarmasi boshlig'i tomonidan Jomboy, Oqdaryo, Payariq va Ishtixon tuman adliya bo'limlarida reja asosida o‘rganishlar o‘tkazilmoqda.

O‘rganishlarda, fuqarolarga ko‘rsatilayotgan xizmatlar sifati, binolar ahvoli, xodimlarga yaratilayotgan shart-sharoitlar tahlil qilinmoqda.

O‘rganishlar davomida xodimlarning mehnat va ijro intizomi holati ko‘zdan kechirilib, aniqlangan kamchiliklarni bartaraf etish hamda belgilangan tartib-intizomga qat’iy amal qilish yuzasidan aniq ko‘rsatmalar berilmoqda.

Shuningdek, davlat xizmatchilarining odob-axloq qoidalari, kiyinish va muomala madaniyati, fuqarolar bilan ishlashda zarur bo‘lgan psixologik yondashuvlar alohida tahlil qilinmoqda.

Bundan tashqari, xodimlarning soxa rivojiga oid ya'ni raqamlashtirish, onlayn xizmatlar, sun'iy intellekt masalalarida taklif va mulohazalari tinglanib, har bir ijobiy tashabbus qo‘llab-quvvatlanmoqda.

O’rganishlar tizimli tarzda davom ettirilmoqda.

Zo‘ravonlikdan jabrlangan xotin-qizlarni himoya qilish tizimi takomillashtiriladi.
Batafsil infografikada

"Inson va qonun" gazetasining 2026-yil 30-iyundagi navbatdagi sonida viloyat adliya boshqarmasi sho‘ba boshlig‘i A.Jovliyevning "O‘qituvchining muammosi sud orqali hal bo‘ldi" nomli tahliliy maqolasi chop etildi.

Mazkur maqolada o‘qituvchining buzilgan huquqlarini sud orqali tiklash jarayoni, qonunchilikning amaliy qo‘llanilishi hamda fuqarolarning qonuniy manfaatlarini himoya qilishda adliyaning o‘rni atroflicha tahlil qilingan.

Narpay tuman adliya bo‘limi boshlig‘i J. Qilichev tomonidan Payshanba – Yoshlar kuni munosabati bilan o‘quv markazida tahsil olayotgan yoshlar bilan uchrashuv o‘tkazildi.
Uchrashuv davomida yoshlarning murojaat va muammolari o‘rganilib, ularni hal etish yuzasidan tegishli tavsiyalar berildi.

Shuningdek, yoshlarga huquqiy bilim va tushunchalar berilib, ularning huquqiy ongi hamda huquqiy madaniyatini yuksaltirishga qaratilgan targ‘ibot ishlari olib borildi.