Bog'lanish

Telefon
(+998 55) 701-00-55

Elektron manzil
samarqand@adliya.uz

Habarni yuborish
Ishonch telefoni 1008

Yangiliklar

19
TARBIYACHINI BOSHQA GURUHGA O‘TKAZISHDA UNING ROZILIGI TALAB ETILADIMI?

“Huquqiy malika” tushuntiradi!

Tarbiyachini boshqa guruhga o‘tkazishda uning roziligi olinishi va rahbar tomonidan buyruq chiqarilishi shartmi?

Javob: Agar mehnat shartnomasida tarbiyachining muayyan guruhda ishlashi belgilangan bo‘lsa, uni boshqa guruhga o‘tkazish xodimning roziligi bilan amalga oshiriladi. Bunda mehnat shartnomasiga yozma qo‘shimcha kelishuv kiritilib, tegishli buyruq chiqariladi.

Agar muayyan guruhda ishlash sharti mehnat shartnomasida belgilanmagan bo‘lsa va xodim avvalgi mehnat vazifasi hamda mehnat sharoitlarida ishlashni davom ettirsa, uning roziligi talab etilmaydi.

Huquqiy asos: O‘zbekiston Respublikasi Mehnat kodeksining 148 va 149-moddalari.

Huquqiy savollaringizga javob olish uchun bizni kuzatib boring!

17
DIQQAT, E’LON!

O‘zbekiston Respublikasi adliya vaziri Tashkulov Akbar Djurabaevich joriy yilning 20-oktyabr kuni Samarqand viloyati Qo‘shrabot tumanida navbatdagi sayyor qabulini o‘tkazadi.
Sayyor qabul joyi: Samarqand viloyati, Qo‘shrabot tumani, “Shovona” mahallasi binosi

Sana va vaqt: 20-oktyabr, soat 11:00

Qabul davomida Samarqand viloyati aholisi hamda tadbirkorlik subyektlari:

davlat xizmatlari markazlari va FHDY organlari;
notariat, advokatura va yuridik xizmatlar;
intellektual mulk va to'lovga qobiliyatsizlik (bankrotlik);
arxiv faoliyati bilan bog‘liq o‘zlarini qiynayotgan masalalar yuzasidan bevosita vazirga murojaat qilishlari mumkin.

Ro‘yxatdan o‘tish:Qabulda ishtirok etish istagini bildirgan fuqarolar va tadbirkorlik subyektlari +998 55 701-00-55 (ichki raqam - 4004) telefon raqami orqali 20-oktyabr kuni soat 18:00 gacha ro‘yxatdan o‘tish mumkin.


Sayyor qabul davomida fuqarolarga sayyor tartibda:

davlat xizmatlari,
FHDY xizmatlari,
notarial xizmatlar ko‘rsatiladi.

Hurmatli samarqandliklar!
Mavjud muammolarga qonuniy yechim topish uchun ushbu sayyor qabulda faol ishtirok eting.

Eslatma: Sayyor qabulga bora olmaydigan biroq ro'yxatdan o'tgan fuqarolar onlayn tarzda qabul qilinadi.

17
18-oktabr – Samarqand shahri kuni

Bugun Samarqand shahri kuni bayram tadbirlari buyuk sarkarda Amir Temur xotirasini yod etish bilan boshlandi. Viloyat hokimi Adiz Boboyev boshchiligidagi viloyat va shahar jamoatchiligi vakillari dastlab Amir Temur maqbarasida bo‘ldilar. Shundan soʻng, viloyat va shahar hokimliklari, harbiylar, huquq-tartibot idoralari hamda keng jamoatchilik vakillari tomonidan Sohibqiron Amir Temur haykali poyiga gul qoʻyildi.

16
BAG‘RIKENGLIK — TINCHLIK VA HAMJIHATLIK POYDEVORI

Viloyat adliya boshqarmasida “O‘zbekistonda diniy bag‘rikenglik” mavzusida davra suhbati tashkil etildi.

Tadbir davomida diniy bag‘rikenglik, millatlararo totuvlik va vijdon erkinligining jamiyat hayotidagi ahamiyati, turli din va e’tiqod vakillariga hurmat bilan munosabatda bo‘lish, do‘stlik va hamjihatlikni mustahkamlash masalalari muhokama qilindi.

Shuningdek, yoshlarni milliy va umuminsoniy qadriyatlar ruhida tarbiyalash, inson huquq va erkinliklarini hurmat qilish yuzasidan fikr-mulohazalar bildirildi. Ishtirokchilar o‘zaro fikr almashib, jamiyatda tinchlik va barqarorlikni ta’minlashda bag‘rikenglikning o‘rni muhim ekanini ta’kidladilar.

Bag‘rikenglik — turli millat va e’tiqod vakillarini birlashtiruvchi, o‘zaro hurmat, tinchlik va hamjihatlikni mustahkamlovchi ezgu qadriyatdir!

16
Sayyor qabul: muammolar joyida o‘rganilmoqda.

Viloyat adliya boshqarmasi boshlig‘i o‘rinbosari Sh.Abduxalimov tomonidan Samarqand shahar “Ma'rifat” MFYda sayyor qabul o‘tkazildi.

Dastlab, 2026-yil 5-yanvardagi PQ-1-son qaror ijrosi yuzasidan adliya bo‘limi tomonidan amalga oshirilayotgan ishlar tahlil qilinib, mas’ullarga hamda mahalla yettiligiga tegishli ko‘rsatmalar berildi.

Sayyor qabul davomida 30 nafardan ortiq fuqarolar ishtirok etdi. Shundan 9 nafar fuqaroning turli masalalardagi murojaatlari bo‘yicha huquqiy tushuntirishlar berildi, 14 ta murojaat esa qo‘shimcha o‘rganish uchun ish yurituviga olindi.

Shuningdek, sayyor qabul savomida 4 nafar fuqaroga sayyor davlat xizmatlari ko'rsatildi.

15
15-oktabr - "Xalqaro qishloq ayollari kuni"

15-OKTABR — XALQARO QISHLOQ AYOLLARI KUNI MUNOSABATI BILAN SAYYOR QABUL
Toyloq tumanida xotin-qizlar uchun sayyor qabul tashkil etildi

15-oktabr — Xalqaro qishloq ayollari kuni munosabati bilan Toyloq tumani adliya bo‘limi tomonidan Naqashon qishlog‘ida xotin-qizlar uchun sayyor qabul tashkil etildi.

Tadbir davomida xotin-qizlarga qonunchiligimizda belgilangan huquq va imkoniyatlar, ularning qonuniy manfaatlarini himoya qilish, shuningdek, mavjud imtiyoz va kafolatlardan foydalanish tartibi yuzasidan huquqiy tushuntirishlar berildi.

Sayyor qabuldan ko‘zlangan maqsad — qishloq ayollarining huquqiy savodxonligini oshirish, ularning murojaatlarini o‘rganish hamda huquq va manfaatlarini ta’minlashga ko‘maklashishdan iborat.

Adliya — xalq xizmatida!

15
“O‘QITUVCHILARGA EHTIROM” HUQUQIY AKSIYASI DOIRASIDA TARG‘IBOT TADBIRLARI O‘TKAZILDI

Bulung'ur, Nurobod, Toyloq hamda Qo'shrabot tuman adliya bo'limlari tomonidan “O‘qituvchilarga ehtirom” huquqiy aksiyasi doirasida pedagog xodimlar ishtirokida huquqiy targ‘ibot tadbiri tashkil etildi.
Tadbirlar davomida pedagog xodimlarning huquqiy savodxonligini oshirish, ularning qonuniy huquq va manfaatlarini himoya qilish, shuningdek, o‘qituvchilarning jamiyatdagi nufuzini yuksaltirish masalalariga alohida e’tibor qaratildi.
Shuningdek, ta’lim sohasi vakillarining huquq va qonuniy manfaatlarini ta’minlash, ularning kasbiy faoliyatini amalga oshirishlari uchun munosib shart-sharoitlarni yaratish muhimligi ta’kidlandi. Mazkur targ‘ibot tadbiri pedagog xodimlarning huquqiy bilimlarini mustahkamlash hamda qonuniy huquqlarini himoya qilish borasidagi xabardorligini oshirishga xizmat qiladi.

15
“RAHBAR VA YOSHLAR” UCHRASHUVI

“Tarixni bilgan — kelajakni quradi”

Joriy yilning 15-oktabr kuni “Rahbar va yoshlar” uchrashuvlari doirasida Samarqand shahar adliya bo‘limi boshlig‘i Ashurov Davron Sharofboyevich ishtirokida Samarqand ilg‘or kasbiy mahorat texnikumi o‘quvchilari uchun ma’naviy-ma’rifiy tadbir tashkil etildi.

Tadbir doirasida yoshlar Samarqand shahridagi “Afrosiyob” muzeyiga tashrif buyurib, yurtimizning boy tarixi, ajdodlarimizning yuksak madaniyati va bebaho tarixiy merosi bilan yaqindan tanishdilar.

Shuningdek, ishtirokchilar “Afrosiyob” tarixiga bag‘ishlangan hujjatli filmni tomosha qilib, qadimiy shahar tarixi, uning madaniy taraqqiyoti va o‘tmishdan saqlanib qolgan noyob merosi haqida yanada kengroq tasavvurga ega bo‘ldilar.

Uchrashuv davomida tarixni chuqur o‘rganish, ajdodlarimiz merosidan ibrat olish, milliy qadriyatlarimizni asrab-avaylash va tariximizga hurmat tuyg‘ularini mustahkamlashning ahamiyati alohida ta’kidlandi.

15
MUALLIFLIK HUQUQI, PLAGIAT VA AKADEMIK HALOLLIK — MUHIM TAMOYILLAR

Viloyat adliya boshqarmasi xodimlari tomonidan “Mualliflik huquqini himoya qilish oyligi” doirasida Samarqand shahridagi “Ipak yo‘li” turizm va madaniy meros xalqaro universitetida “Mualliflik huquqi, plagiat va akademik halollik” mavzusida seminar-treninglar tashkil etildi. Tadbirning asosiy maqsadi talaba-yoshlar va professor-o‘qituvchilarning mualliflik huquqiga oid bilimlarini oshirish, intellektual mulk obyektlarini huquqiy jihatdan himoya qilish hamda akademik halollik tamoyillariga rioya etish madaniyatini shakllantirishdan iborat bo‘ldi. Shuningdek, plagiat tushunchasi, uning salbiy oqibatlari, ilmiy ishlar va ta’lim jarayonida akademik halollik qoidalariga rioya etish muhimligi tushuntirildi. Seminar savol-javoblar asosida tashkil etilib, ishtirokchilar o‘zlarini qiziqtirgan savollarga mutaxassislardan javob oldilar. 

14
“O‘QITUVCHILARGA EHTIROM” HUQUQIY AKSIYASI DOIRASIDA TARG‘IBOT TADBIRI O‘TKAZILDI

Kattaqo‘rg‘on shahridagi Samarqand Pedagogika texnikumida hamda Kattaqoʻrgʻon shahar 3-son texnikumida “O‘qituvchilarga ehtirom” huquqiy aksiyasi doirasida pedagog xodimlar ishtirokida huquqiy targ‘ibot tadbiri tashkil etildi.
Tadbir davomida pedagog xodimlarning huquqiy savodxonligini oshirish, ularning qonuniy huquq va manfaatlarini himoya qilish, shuningdek, o‘qituvchilarning jamiyatdagi nufuzini yuksaltirish masalalariga alohida e’tibor qaratildi.
Shuningdek, ta’lim sohasi vakillarining huquq va qonuniy manfaatlarini ta’minlash, ularning kasbiy faoliyatini amalga oshirishlari uchun munosib shart-sharoitlarni yaratish muhimligi ta’kidlandi.
Mazkur targ‘ibot tadbiri pedagog xodimlarning huquqiy bilimlarini mustahkamlash hamda qonuniy huquqlarini himoya qilish borasidagi xabardorligini oshirishga xizmat qiladi.