Yangiliklar
Urgut tumani adliya bo‘limi tomonidan tumanning "Yuqori Kalangar" MFY hududida tuman IIB, tibbiyot birlashmasi, kambag‘allikni qisqartirish va bandlik bo‘limi bilan hamkorlikda ijtimoiy profilaktika tadbiri o‘tkazildi.
Tadbir davomida hududdagi fuqarolarning murojaatlari o‘rganilib, ijtimoiy-huquqiy muammolarni aniqlash, aholining huquqiy savodxonligini oshirish hamda muammolarni manzilli hal etish bo‘yicha tegishli choralar ko‘rildi.
Mazkur tadbirning asosiy maqsadi — fuqarolarning huquq va manfaatlarini himoya qilish, ijtimoiy muammolarni o‘z vaqtida aniqlash va ularning oldini olish orqali mahallada sog‘lom ijtimoiy muhitni mustahkamlashdan iborat.
Narpay tumani adliya bo‘limi tomonidan tumanning "Totkent" MFY hududida tuman IIB, tibbiyot birlashmasi, kambag‘allikni qisqartirish va bandlik bo‘limi bilan hamkorlikda ijtimoiy profilaktika tadbiri o‘tkazildi.
Tadbir davomida hududdagi fuqarolarning murojaatlari o‘rganilib, ijtimoiy-huquqiy muammolarni aniqlash, aholining huquqiy savodxonligini oshirish hamda muammolarni manzilli hal etish bo‘yicha tegishli choralar ko‘rildi.
Mazkur tadbirning asosiy maqsadi — fuqarolarning huquq va manfaatlarini himoya qilish, ijtimoiy muammolarni o‘z vaqtida aniqlash va ularning oldini olish orqali mahallada sog‘lom ijtimoiy muhitni mustahkamlashdan iborat.
Hurmatli fuqarolar!
Aholini qiynab kelayotgan muammolarni o‘rganish, murojaatlarni joyida ko‘rib chiqish hamda ularga amaliy yechim topish maqsadida Samarqand viloyati adliya boshqarmasi boshlig‘ining o‘rinbosari M. Kurbanov tomonidan navbatdagi sayyor qabul o‘tkaziladi.
Sana: 2026-yil 23-sentabr
Vaqti: soat 10:00da
Manzil: Jomboy tumani, “G‘azira” mahallasi
Ma’lumot uchun:
+998 55 701 00 55
Huquqiy muammolaringizni hal etish, taklif va murojaatlaringizni bevosita yetkazish uchun sayyor qabulda ishtirok eting!
Kattaqo’rg’on tuman adliya bo‘limida “Adliyada bir kun” loyihasi tashkil etildi.
Onlayn notarial harakatlar video-konferens-aloqa rejimida “E-notarius.uz” axborot portali hamda “Notarius” avtomatlashtirilgan axborot tizimi orqali tasdiqlanadi.
Murojaatchi notarial harakatlarni onlayn amalga oshirish uchun “Adliya Plus” ilovasi yoki “E-notarius.uz” axborot portalida shaxsini tasdiqlagan holda roʻyxatdan oʻtadi va murojaatni notariusga yuboradi.
Notarius bir ish kuni ichida murojaatni oʻrganib chiqadi hamda murojaatda kamchiliklar mavjud yoki mavjud emasligi toʻgʻrisida, kamchilik aniqlanmagan taqdirda, notarial harakatni davom ettirish to‘g‘risida murojaat qiluvchiga elektron xabarnoma yuboradi. Bunda, notarial harakat amalga oshirish vaqti murojaatchi bilan kelishilgan holda belgilanishi mumkin.
Notarius tomonidan notarial harakat taraflarga notarial harakat bilan tasdiqlangan hujjat(lar)ning asl nusxa(lar)i shaxsan topshiriladi yoki kuryerlik xizmatidan foydalangan holda yoxud boshqa usullar orqali yetkaziladi.
Avval xabar berganimizdek, fuqarolarga yanada qulaylik yaratish maqsadida “Samarqand tajribasi” sifatida viloyatdagi 16 ta tuman va shahar adliya bo‘limlarining Davlat xizmatlari markazlarida "Huquqiy maslahat burchaklari" tashkil etilgan.
Ma'lumki, endilikda fuqaro davlat xizmatini olish bilan birga maslahat burchakda o‘zini qiziqtirgan huquqiy savoliga javob olishi, huquqiy bilimini oshirishi va zarur hollarda amaliy ko‘makdan (buklet, inografikalardan) foydalanishi mumkin.
Ayni paytda tasdiqlangan jadval asosida Samarqand tumani adliya bo‘limi xodimlari Davlat xizmatlari markaziga kelgan fuqarolarga huquqiy maslahat va amaliy yordam ko‘rsatmoqda.
Oqdaryo tumani FHDY bo‘limida nikohlanuvchi yoshlar o‘rtasida “Erta nikoh, yaqin qarindoshlar o‘rtasidagi nikohning salbiy oqibatlari, oila qurish tartibi va nikoh shartnomasining ahamiyati” mavzusida hamkor tashkilotlar bilan birgalikda o‘quv mashg‘uloti tashkil etildi.
Tadbir davomida yoshlarga erta nikohning salbiy oqibatlari, oila qurishga tayyorgarlik, nikohdan o‘tish tartibi, yaqin qarindoshlar o‘rtasidagi nikohning salbiy jihatlari hamda nikoh shartnomasining huquqiy ahamiyati haqida tushuntirishlar berildi.
Shuningdek, nikohlanuvchi yoshlarning oilaviy hayotga qay darajada tayyor ekanligini aniqlash maqsadida test savollari o‘tkazilib, ishtirokchilar o‘z bilim va qarashlarini namoyon etdilar.
Kattaqo‘rg‘on tuman adliya bo‘limiga fuqaro Sh.D tomonidan tuman MMTBga qarashli umumiy o‘rta ta’lim maktabi direktori lavozimida ishlab kelib, noqonuniy ravishda ishdan bo‘shatilganidan norozi bo‘lib murojaat qilindi.
Murojaat adliya bo‘limi tomonidan o‘rganib chiqilib, fuqaro Sh.Dni ishdan bo‘shatishda O‘zbekiston Respublikasi Mehnat kodeksining mehnat shartnomasini bekor qilishning qonuniyligi va belgilangan tartibiga oid talablari buzilganligi aniqlandi.
Fuqaroning buzilgan mehnat huquqlarini tiklash maqsadida fuqarolik ishlari bo‘yicha Samarqand shahar sudiga Sh.D.ni ishga tiklash hamda majburiy progul kunlari uchun ish haqini undirish to‘g‘risida da’vo arizasi kiritildi. Natijada sud qaroriga asosan Sh.D. avvalgi ishiga tiklandi hamda majburiy progul kunlari uchun 16 853 454,60 so‘m miqdorida ish haqi undirilishi belgilandi.
Samarqand tuman adliya bo‘limi tomonidan Vazirlar Mahkamasining 735-son qarori ijrosi yuzasidan tumandagi mavjud qabristonlarda faoliyat yuritayotgan qabriston nazoratchilari ishtirokida yig‘ilish o‘tkazildi.
Yig‘ilish davomida “Dafn etish ishlarini ro‘yxatga olish yagona elektron daftari” elektron modulidan foydalanish hamda uning mobil ilovasiga tegishli ma’lumotlarni o‘z vaqtida va to‘g‘ri kiritish tartibi batafsil tushuntirildi.
Shuningdek, dafn etish bilan bog‘liq ma’lumotlarni elektron shaklda yuritish, ma’lumotlarning to‘liqligi va aniqligini ta’minlash, belgilangan tartib va talablarga qat’iy rioya etish yuzasidan tegishli tavsiyalar berildi.
Tadbir yakunida ishtirokchilarning savollariga mutaxassislar tomonidan batafsil javoblar berildi.
Bulung‘ur tuman adliya bo‘limi tomonidan fuqaroning ko‘p yillik mehnat staji uchun ustama pullari to‘lanmayotganligi yuzasidan qilgan murojaati o‘rganildi.
O‘rganish davomida fuqaroning sog‘liqni saqlash tizimida uzoq yillardan buyon mehnat qilib kelayotgani hamda 2025-yil iyul oyidan 2026-yil may oyiga qadar ko‘p yillik ish staji uchun belgilangan ustamaning bir qismi to‘lanmaganligi aniqlandi.Amaldagi qonunchilik talablariga ko‘ra, tibbiyot xodimlariga ish stajiga qarab tarif stavkasining belgilangan miqdorida ustamalar to‘lanishi kafolatlangan.Shu asosda Bulung‘ur tuman adliya bo‘limi tomonidan tuman sog‘liqni saqlash bo‘limiga to‘lanmagan ustama pullarini to‘lab berish yuzasidan taqdimnoma kiritildi.Taqdimnoma natijasida fuqaroning 2025-yil iyul oyidan 2026-yil may oyiga qadar to‘lanmay qolgan ko‘p yillik ish staji uchun 5 % lik ustama pullari jumladan, jami 1 437 401 so‘m miqdoridagi to‘lanmagan ustama pullari fuqaro foydasiga undirib berildi.