Yangiliklar

Kattaqo'rg'on tuman "Melixo'ja" mahallasida 2026-yil 5-yanvardagi PQ–1-sonli qarorini amalga oshirish maqsadida “Ijtimoiy profilaktika haftaligi” tadbiri doirasida aholi vakillari bilan ochiq muloqot va sayyor qabul tashkil qilindi.

Tuman hokimyati, adliya bo‘limi va ichki ishlar bo‘limi hamkorligidagi sayyor qabulda, murojaatlarni o'rganish bilan birga mahalla aholisigа firibgarlik jinoyati, kiber jinoyatchilik, uyushgan jinoyatchilik, narkojinoyatchilik qurboniga aylanishning oldini olish maqsadida, bu kabi jinoyatlarning yangi turlari va sodir etilish usullari haqida huquqiy tushuntirish berilib, targ‘ibot bukletlari tarqatildi hamda mahalla Telegram kanali orqali shu mazmundagi kontentlar joylanishi ta’minlandi.

Samarqand viloyatining Qo'shrabot tumanida Adliya vazirining birinchi o‘rinbosari M.Istamov ishtirokida fuqarolar bilan yuzma-yuz muloqot tashkil etildi. Tadbirda tegishli idoralar rahbar va mas’ul xodimlari ham qatnashdi.

Sayyor qabul davomida fuqarolar tomonidan fuqarolik holati dalolatnomalarini yozish, yuridik xizmatlar, soliq imtiyozlaridan foydalanish, yer ajratish, mulk huquqi, kadastr hamda davlat ro‘yxatidan o‘tkazish jarayonlarida uchrayotgan muammolari atroflicha muhokama qilindi.

Sayyor qabul davomida jami 50 ga yaqin jismoniy va yuridik shaxslar, tadbirkorlik subyektlarining murojaatlari ko‘rib chiqildi.
17 ta murojaat bo‘yicha huquqiy tushuntirishlar berildi;
1 ta muammo joyida hal etildi;
30 ga yaqin murojaat qo‘shimcha o‘rganish uchun ish yurituviga olindi.

Viloyat adliya boshqarmasi Inson resurslari sho‘basi boshlig‘i L.Bolishev hamda korrupsiyaga qarshi ichki nazorat bo‘yicha bosh maslahatchi B. Ulmasov tomonidan Bulung‘ur va Jomboy tuman adliya bo‘limi xodimlari bilan profilaktik suhbatlar o‘tkazildi.

Suhbat jarayonida xodimlarga Adliya vazirligi tizimida korrupsiyaga qarshi murosasiz kurashish, xodimlarning mehnat intizomi va odob-axloq qoidalariga rioya etishi lozimligi haqida tushuntirish berildi.

Bundan tashqari, sohaga oid “Adliya vazirligining korrupsiyaga qarshi kurashish siyosati”, “O‘zbekiston Respublikasi Adliya vazirligi tizimida korrupsiyaviy xavf-xatarlarni baholash uslubiyati” hamda “O‘zbekiston Respublikasi adliya organlari va muassasalari xodimlarining odob-axloq qoidalari” mazmun-mohiyati tushuntirib o‘tildi.

Samarqand  viloyat adliya boshqarmasi boshlig'i  S.Sattarov  tomonidan O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qo'shimcha chora-tadbirlar toʻgʻrisida”gi PQ-1-son qarori ijrosi yuzasidan  Kattaqo'rg'on shahar  "Amir Temur" MFYda sayyor qabul o'tkazildi. 
Sayyor qabul davomida ishtirokchilarga amaldagi qonunchilik normalari, oilaviy mas’uliyat hamda muammolarni qonuniy va murosali yo‘l bilan hal etish bo‘yicha huquqiy tushuntirishlar berilib, MFYdagi nizoli oilalarning oilaviy nizolarning oldini olish, oilani saqlab qolish, er-xotin o‘rtasida o‘zaro hurmat va totuvlikni mustahkamlash yuzasidan atroflicha tushuntirishlar berildi.
Shuningdek, huquqiy tomondan mavjud bo'lgan muammolarga yechim topish yuzasidan chora-tadbirlar belgilab olindi.

Urgut tuman adliya bo'limi  davlat xizmatlari markazi tomonidan   "Mulk huquqlari" oyligi doirasida Urgut savdo kompleksida sayyor davlat xizmatlari tashkil qilindi.

Tadbir davomida hududdagi tadbirkorlar o‘rtasida tushuntirish ishlari olib borilib, tadbirkorlarning qonuniy faoliyat olib borishi zarurligi targ‘ib qilindi.

Shu kuni 5 ta yakka tartibdagi tadbirkorlik subyekti davlat ro‘yxatidan o‘tkazilib, faoliyati qonuniylashtirildi.

Shuningdek, aholiga bolani maktabgacha ta’lim tashkilotiga navbatga qo‘yish, kadastr pasportini shakllantirish, elektron raqamli imzo kalitini olish, pensiya ma’lumotnomasi va boshqa xizmat turlari bo‘yicha aholiga 20 ga yaqin davlat xizmatlari ko‘rsatildi.

O‘zbekiston Respublikasi Prezidentining 2026-yil 5-yanvardagi PQ–1-son qarori ijrosi yuzasidan, Samarqand viloyatida tashkil etilgan huquqni muhofaza qiluvchi organlar va boshqa tashkilotlar vakillaridan iborat viloyat shtabi Pastdarg'om tumanidagi amaliy ishlarni o‘rganmoqda.

Shtab tomonidan tuman mahallalarida xavfsizlikni ta’minlash, jinoyatchilikka qarshi kurashish va fuqarolarning huquqlarini himoya qilish bo‘yicha chora-tadbirlar ishlab chiqilib, tizimning samaradorligini oshirishga qaratilgan ishlarga alohida e’tibor berilmoqda.

Samarqand  viloyat adliya boshqarmasi boshlig'i  S.Sattаrov  tomonidan O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qo'shimcha chora-tadbirlar toʻgʻrisida”gi PQ-1-son qarori ijrosi yuzasidan  Kattaqo'rg'on tuman  "Kattaming" MFY hududida mavjud  nizoli oila vakillari bilan uchrashuv o'tkazildi.

Uchrashuv davomida  6 ta nizoli oilaning   oilaviy nizolarning oldini olish, oilani saqlab qolish, er-xotin o‘rtasida o‘zaro hurmat va totuvlikni mustahkamlash yuzasidan atroflicha tushuntirishlar berildi.

Shuningdek, ishtirokchilarga amaldagi qonunchilik normalari, oilaviy mas’uliyat hamda muammolarni qonuniy va murosali yo‘l bilan hal etish bo‘yicha tavsiyalar berildi.

2026-yil 10-fevral kuni Qo‘shrabot tumani аdliya bo‘limi Davlat xizmatlari markazi hamda tuman Savdo-sanoat palatasi xodimlari tomonidan DXM binosining majlislar zalida targ‘ibot tadbiri o‘tkazildi.

Tadbir davomida O‘zbekiston Respublikasi Prezidentining 2025-yil 14-noyabrdagi PF-214-sonli “Biznes yuritishni hamda litsenziyalash va ruxsat berish tartib-taomillarini soddalashtirishga doir navbatdagi chora-tadbirlar to‘g‘risida”gi Farmonining mazmun-mohiyati tushuntirildi.

Farmonga muvofiq, 2026-yil 1-yanvardan boshlab joriy etilgan “Biznesni 15 daqiqada boshlash” tamoyili asosida tadbirkorlik subyektlarini davlat ro‘yxatidan o‘tkazishda yaratilgan qulayliklar haqida tadbirkorlik faoliyatini boshlayotgan fuqarolarga batafsil ma’lumotlar berildi.

Shuningdek, tadbir ishtirokchilarini qiziqtirgan savollarga mutaxassislar tomonidan atroflicha va tushunarli javoblar berildi.

Sayyor qabul joyi: Samarqand viloyati, Qo‘shrabot tumani, “Mayintepa” mahallasi binosi

Sana va vaqt: 20-fevral, soat 11:00

Qabul davomida Samarqand viloyati aholisi hamda tadbirkorlik subyektlari:

davlat xizmatlari ko‘rsatish;
fuqarolik holati dalolatnomalarini yozish (FHDY);
yuridik xizmatlar;
arxiv faoliyati bilan bog‘liq o‘zlarini qiynayotgan masalalar yuzasidan vazirga murojaat qilishlari mumkin.

 Ro‘yxatdan o‘tish:
Qabulda ishtirok etish istagini bildirgan fuqarolar va tadbirkorlik subyektlari +998 55 701-00-55 (ichki raqam - 4004) telefon raqami orqali 19-fevral kuni soat 18:00 gacha ro‘yxatdan o‘tish mumkin.

Sayyor qabul davomida fuqarolarga sayyor tartibda:

davlat xizmatlari,
FHDY xizmatlari,
notarial xizmatlar ko‘rsatiladi.

Hurmatli samarqandliklar!
Mavjud muammolarga qonuniy yechim topish  uchun ushbu sayyor qabulda faol ishtirok eting.

Eslatma: Sayyor qabulga bora olmaydigan biroq ro'yxatdan o'tgan fuqarolar onlayn tarzda qabul qilinadi.

Samarqand viloyat adliya boshqarmasi shuni ma'lum qiladiki, haydovchilik guvohnomasini chop etish qurilmasida vujudga kelgan texnik muammo sababli Urgut va Jomboy tumani Davlat xizmatlari markazida namunadagi milliy haydovchilik guvohnomasini yangi namunaga almashtirish xizmati hozircha amalga oshirilmaydi.

Mazkur xizmatdan foydalanish istagida bo‘lgan fuqarolar o‘zlariga qulay bo‘lgan boshqa tuman yoki shaharlardagi Davlat xizmatlari markazlariga murojaat etishlari mumkin.