Yangiliklar

Nurobod tuman adliya bo‘limi tomonidan maslahat burchagi  orqali 2026-yil yanvar oyi davomida 30 nafardan ortiq fuqaro huquqiy maslahat olish uchun murojaat qildi.
Fuqarolarni qiziqtirgan masalalarning aksariyati oila va nikoh munosabatlari, shuningdek subsidiyalar bilan bog‘liq  bo‘ldi.
Tadbir davomida murojaatchilarga mutaxassislar tomonidan atroflicha huquqiy tushuntirishlar va amaliy maslahatlar berildi.

Unda Bulung‘ur tuman Adliya bо‘limining 2025-yil davomida norma ijodkorligi hamda huquqni qо‘llash amaliyoti, shuningdek, 2026-yilda amalga oshirish lozim bо‘lgan ustuvor vazifalar to‘g‘risida  gapirilib o’tildi.

Mavzu yuzasidan Bulung‘ur tuman Adliya bо‘limi boshlig‘i Abdiyev Nuriddin Amir о‘g‘li tomonidan ma’lumot berildi.

Tadbir so’ngida OAV vakillari mavzu va soha yuzasidan o’zlarini qiziqtirgan savollariga javoblar olishdilar.

Bulung‘ur tuman Oila va xotin-qizlar bo‘limi hamda tuman FHDY bo‘limi hamkorligida “Yoshlarni oilaviy hayotga tayyorlash” kursining navbatdagi o‘quv mashg‘ulotlari tashkil etildi.

Davra suhbati davomida tuman Oila va xotin-qizlar bo‘limi bosh mutaxassisi M. Kurbanova, tuman FHDY bo‘limi mudirasi G. Baxritdinova hamda tuman “Oqila ayollar” harakati rahbari N. Umarova tomonidan nikoh guvohnomasining ahamiyati, yoshlarni mustaqil oilaviy hayotga tayyorlash ularning porloq kelajagi va baxtli hayotini ta’minlashdagi muhim omil ekani haqida atroflicha tushunchalar berildi.

Bulung‘ur tumani Xo‘jamazgil mahallasida viloyat va tuman hokimligi rahbarlari ishtirokida aholi uchun navbatdagi sayyor qabul bo‘lib o‘tdi.  

Sayyor qabul davomida 30 ga yaqin fuqaroning murojaatlari tinglandi. Ular asosan kommunal xizmatlar, bandlik, ijtimoiy himoya, infratuzilma, yer va kadastr masalalari bilan bog‘liq bo'lib, murojaatlarning aksariyati joyida ijobiy hal etilib, qo‘shimcha o‘rganish talab etiladigan masalalar yuzasidan mas’ul tashkilot rahbarlariga aniq vazifalar yuklatildi hamda ijrosi qat’iy nazoratga olindi.

Bulung‘ur tumani “Sayiltepa” mahallasida viloyat adliya boshqarmasi boshlig‘ining birinchi o‘rinbosari O.Shodikulov tomonidan mahalla aholisi uchun sayyor qabul tashkil etildi.

Tadbir avvalida O.Shodikulov tomonidan “mahalla yettiligi” vakillariga qonunchilikdagi so‘nggi o‘zgarishlar, xususan  O‘zbekiston Respublikasi Prezidentining joriy yil 5-yanvardagi  “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ–1-son Qarori yuzasidan batafsil tushuntirishlar berildi.

Kattaqo‘rg‘on tuman adliya bo‘limi tomonidan hududda faoliyat yuritayotgan “Turon Sam Plast” MCHJ va “RustamPlastekis” MCHJ rahbarlari hamda ishchi-xizmatchilari ishtirokida ???? yashirin iqtisodiyotga qarshi kurash va ish haqini “konvert” shaklida to‘lashning oldini olishga qaratilgan targ‘ibot tadbiri tashkil etildi.

Tadbir davomida ish haqini norasmiy to‘lashning salbiy oqibatlari — soliq to‘lovlaridan bo‘yin tovlash, pensiya va nafaqa ta’minotida muammolar yuzaga kelishi, shuningdek, xodimlarning mehnat huquqlari cheklanishi haqida batafsil tushuntirishlar berildi.

Shuningdek, ishtirokchilarga mehnat qonunchiligi, ish beruvchi va xodimning huquq hamda majburiyatlari yuzasidan huquqiy ma’lumotlar yetkazilib, ularni qiziqtirgan savollarga atroflicha javoblar berildi.

Paxtachi tumani “Dung” mahallasida viloyat adliya boshqarmasi boshlig‘i S.Sattarov tomonidan mahalla aholisi uchun sayyor qabul tashkil etildi.

Tadbir avvalida S.Sattarov tomonidan “mahalla yettiligi” vakillariga qonunchilikdagi so‘nggi o‘zgarishlar, ularning mazmun-mohiyati hamda Oʻzbekiston Respublikasi Prezidentining joriy yil 5-yanvardagi “Respublika mahallalarida xavfsiz muhitni yaratish yoʻnalishida yaxlit manzilli ishlash tizimini joriy etishga qaratilgan qoʻshimcha chora-tadbirlar toʻgʻrisida”gi PQ-1-son Qarori haqida batafsil tushuntirish berildi.

Qabul davomida PQ-1-son qaror asosida birikritilgan olilalar bilan uchrashilib, ularning muammolari atroflicha o'rganildi hamda tegishli mas'ullarga ko'rsatmalar berildi.

 Ayrim murojaatlar joyida hal etildi, murakkab masalalar esa mutasaddilar tomonidan nazoratga olindi.

O‘zbekiston Respublikasi Prezidentining 2025-yil 19-sentabrdagi PF–173-son “O‘zbekiston Respublikasida aholi va qishloq xo‘jaligini ro‘yxatga olishni o‘tkazish to‘g‘risida”gi Farmoni hamda Vazirlar Mahkamasining 2025-yil 7-oktabrdagi 629-son qarori ijrosini ta’minlash maqsadida joylarda amaliy ishlar olib borilmoqda.

Shu munosabat bilan Samarqand viloyat adliya boshqarmasi boshlig'i S.Sattarov bugun viloyatning olis Paxtachi tumanida bo‘lib ro'yxatga olish jarayonlari bilan tanishdi.

Safar davomida:

▪️tumanda tashkil etilgan shtab faoliyati;
▪️tuman adliya bo'limi;
▪️"Dung" mahalla fuqarolar yig'ini;
▪️“Chorgo'sha” mahalla fuqarolar yig'inlarida aholi va qishloq xo‘jaligini ro‘yxatga olish bo‘yicha amalga oshirilayotgan ishlar o‘rganildi.
Jarayonlarni samarali tashkil etish yuzasidan mas’ullarga amaliy yordam ko‘rsatilib, tegishli topshiriq va ko‘rsatmalar berildi.

Kattaqo'rg’on tuman adliya bo‘limi bosh maslahatchisi Sh.Razzoqov tomonidan hududdagi “Valijon” MFYda tuman kadastr va tuman soliq inspeksiyasi bilan hamkorlikda “O‘zboshimchalik bilan egalab olingan yer uchastkalariga bo‘lgan huquqlarni e’tirof etish to‘g‘risida”gi O‘RQ-937-son va “Mulk huquqlari kafolatlari” huquqiy oyligi doirasida fuqarolar bilan huquqiy targ‘ibot tadbirlari o‘tkazildi.

Mazkur tadbir davomida fuqarolarga O‘RQ-937 son qonunning mazmun-mohiyati tushuntirilib, ko‘chmas mulk obyektlariga bo‘lgan huquqlarini davlat ro‘yxatidan o‘tkazish, shuningdek, mulkdorlarga qonunchilikda belgilangan soliq imtiyozlarini qo‘llash tartibi yuzasidan zarur tushuntirish ishlari olib borildi.

Shu bilan birga, O'zbekiston Respublikasi Prezidentining 2026-yil 5-yanvardagi PQ 1-sonli Qarorning mazmun-mohiyati yuzasidan fuqarolarga batafsil tushuntirildi.

Viloyat adliya boshqarmasi boshlig‘i o'rinbosari Sh. Abduxalimov Kattaqo‘rg‘on tuman adliya bo‘limida bo‘lib, bo‘limda olib borilayotgan ishlar bilan yaqindan tanishdi.

Safar davomida:
▪️PQ–1-sonli qaror bilan ishlash jarayonida e’tibor qaratilishi lozim bo‘lgan muhim jihatlarga e'tibor qaratildi;
▪️Yuridik xizmat ko‘rsatish markazi xodimlarining ish faoliyati o'rganildi;
▪️Davlat xizmatlari markazida tashkil etilgan “Huquqiy maslahat burchagi” faoliyati tahlil qilindi.
▪️Davlat xizmatlarini ko'rsatishda fuqarolarga qulayliklar yaratilishi lozimligi to'g'risida ko'rsatmalar berildi.
O‘zbekiston Respublikasi Prezidentining 2026-yil 5-yanvardagi PQ-1-son qarori  ijrosini ta’minlash doirasida joylarda amaliy ishlar izchil davom etmoqda